Trova contenuti simili

🔴#Live #Fraksiya_yigilishi Mahalliy Kengashlar faoliyati takomillashtirilmoqda So‘nggi yillarda xalq deputatlari mahalliy Kengashlariga berilgan vazifa va vakolatlar kengayib, ular faoliyati hajmi ortib bormoqda. Bu esa Kengashlar ishini samarali tashkil etishni talab etmoqda. Shu maqsadda "Mahalliy davlat hokimiyati to‘g‘risida"gi Qonunga o‘zgartirish va qo‘shimchalar kiritish bo‘yicha Qonunchilik taklifi ishlab chiqildi va fraksiya yig‘ilishida muhokama qilindi.  Loyihaga muvofiq, Kengash raisi o‘rinbosari va Kengash Rayosati institutlarini joriy etish, shuningdek, davlat organlari mansabdor shaxslarining deputatlar savollariga javob berish tartibini belgilash nazarda tutilmoqda. Qonun loyihasi mahalliy Kengashlar faoliyati samaradorligini oshirishga xizmat qiladi. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Fraksiya yig‘ilishida O‘zbekiston Respublikasining "Madaniy meros agentligi alohida maqomga ega mustaqil respublika ijro etuvchi hokimiyat organi etib belgilanishi munosabati bilan ayrim qonun hujjatlariga o‘zgartish va qo‘shimchalar kiritish to‘g‘risida"gi Qonun loyihasi birinchi o‘qishda ko‘rib chiqildi. Qonun loyihasi madaniy meros sohasida Madaniy meros agentligining vakolatlarini aniq belgilash hamda tegishli qonun hujjatlarini o‘zaro muvofiqlashtirishga qaratilgan. Hujjat bilan Vazirlar Mahkamasiga arxeologiya qidiruvlari va qazishmalarini o‘tkazish tartibini, ruxsatnoma berish shartlarini, arxeologiya obyektlarida maxsus asbob-uskunalardan foydalanish hamda ochiq varaq berish tartibini tasdiqlash vakolati berilishi nazarda tutilmoqda. Shuningdek, "uzil-kesil arxeologiya tadqiqoti" tushunchasi qonunchilikda aniqlashtirilmoqda. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Oliy Majlis Qonunchilik palatasidagi O‘zbekiston Ekologik partiyasi fraksiyasining yig‘ilishi bo'lib o'tmoqda. Bizni kuzatishda davom eting, qonun loyihalaridagi yangiliklar, kiritilayotgan o‘zgartirishlar bilan sizlarni batafsil tanishtirib boramiz. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Yig‘ilishda dastlab, Shveysariyaning Davos shahrida bo‘lib o‘tgan Tinchlik kengashi Nizomini imzolash marosimi va unda O‘zbekiston Respublikasi Prezidenti Shavkat Mirziyoyevning ishtiroki haqida so‘z yuritildi. — Tinchlik kengashining tashkil etilishi O‘zbekistonning tinchlikni mustahkamlash, xalqaro hamkorlikni rivojlantirishga qaratilgan tashqi siyosiy ustuvor yo‘nalishlariga to‘liq uyg‘un keladi, — dedi partiya rahbari Abdushukur Xamzayev. Shuningdek, Prezident raisligida o‘tkazilgan videoselektor yig‘ilishida ko‘tarilgan masalalar ham muhokama qilindi. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Fuqaro va tadbirkorlarni sud orqali himoya qilishning zamonaviy mexanizmlari joriy etilmoqda Deputatlarimiz tomonidan fuqarolar va tadbirkorlik subyektlarining huquqlarini sud orqali himoya qilishning zamonaviy mexanizmlarini joriy etishga qaratilgan qonun loyihasi muhokama qilinmoqda. Loyiha bilan Ma’muriy javobgarlik to‘g‘risidagi kodeks, Ma’muriy sud ishlarini yuritish to‘g‘risidagi kodeks hamda “Davlat boji to‘g‘risida”gi Qonunga qator o‘zgartish va qo‘shimchalar kiritilmoqda. Xususan, ma’muriy sudlarga sudga hurmatsizlik va sudning xususiy ajrimi talablarini bajarmaslik holatlari bo‘yicha ishlarni ko‘rish vakolati berilmoqda. Ma’muriy sud ishlarini yuritishda ishonchning huquqiy himoyasi prinsipi joriy etilib, dastlabki eshituv instituti tatbiq qilinadi. Shuningdek, ma’muriy sudlar tomonidan ma’muriy javobgarlikka tortish tartibi aniq belgilanmoqda hamda sud majlislarida uzrsiz qatnashmagan mansabdor shaxslarga nisbatan sud jarimasini qo‘llash mexanizmi nazarda tutilmoqda. Bundan tashqari, dastlabki eshituv natijasida ariza ko‘rmasdan qoldirilgan taqdirda to‘langan davlat bojini qaytarish tartibi belgilanmoqda. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Masofaviy soliq tekshiruvi: soliq nazorati takomillashtirilmoqda Fraksiyamizning bugungi yig‘ilishida soliq nazoratini takomillashtirishga qaratilgan qonun loyihasi birinchi o‘qishda ko‘rib chiqildi. Loyiha soliq nazoratida, xususan, “masofaviy soliq tekshiruvi” tushunchasiga aniqlik kiritish, ushbu tekshiruv tartibini soddalashtirish, tadbirkorlik subyektlari o‘rtasida sog‘lom raqobat muhitini yaratish hamda budjet daromadlari barqarorligini ta’minlashni nazarda tutadi. Qonun loyihasiga ko‘ra, faqat markirovkalash qoidalarini buzish holatlari bo‘yicha masofaviy soliq tekshiruvi soliq to‘lovchining huzuriga bormasdan, huquqbuzarlik yuzasidan ikki marotaba ogohlantirish berilgandan so‘ng o‘tkaziladi. Agar huquqbuzarlik soliq organlarining axborot tizimlari orqali aniqlanib, rasmiy ogohlantirishdan keyin ham davom etsa, masofaviy tekshiruv tashkil etilib, dalolatnoma asosida belgilangan miqdorlarda jarima qo‘llanadi. Mazkur qonun loyihasining qabul qilinishi O‘zbekiston Respublikasi Prezidentining 2025-yil 23-maydagi “Majburiy raqamli markirovkalash tizimi samaradorligini oshirishga qaratilgan qo‘shimcha chora-tadbirlar to‘g‘risida”gi PQ–190-son qarorida belgilangan talablar va qoidalar ijrosini ta’minlashga xizmat qiladi. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Shaxsga doir ma’lumotlarni himoya qilish tizimi yanada takomillashtiriladi Yig‘ilishda O‘zbekiston Respublikasining “Shaxsga doir ma’lumotlar to‘g‘risida”gi Qonuniga o‘zgartirish va qo‘shimchalar kiritish haqidagi qonun loyihasi ko‘rib chiqildi. Qonun loyihasida shaxsga doir ma’lumotlarni himoya qilish tizimini yanada takomillashtirishga qaratilgan bir qator muhim normalar nazarda tutilmoqda. Xususan, O‘zbekiston hududida saqlanishi majburiy bo‘lgan shaxsga doir ma’lumotlar ro‘yxati aniq belgilanishi, jumladan, biometrik, genetik hamda telekommunikatsiya operatorlari xizmatlaridan foydalanuvchi jismoniy shaxslar ma’lumotlari kiritilmoqda. Shuningdek, boshqa turdagi shaxsga doir ma’lumotlarni chet elga uzatish, ularni qayta ishlash va saqlash bo‘yicha aniq talablar belgilanmoqda. Bunda xorijiy davlatlarda mazkur ma’lumotlar xavfsizligini yetarli darajada ta’minlash, vakolatli organlar talablariga rioya etish hamda xalqaro standartlarni joriy etish shartlari nazarda tutiladi. Bundan tashqari, Vazirlar Mahkamasiga shaxsga doir ma’lumotlar xavfsizligi ta’minlaydigan davlatlar ro‘yxatini tasdiqlash vakolatini berish rejalashtirilmoqda. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Ayni daqiqalarda Oliy Majlis Qonunchilik palatasidagi O‘zbekiston Ekologik partiyasi fraksiyasining yig‘ilishi bo'lib o'tmoqda. ✅Telegram| ✅Facebook | 🌐Instagram | 🌐 Web site | 📹You Tube

🔴#Live #Fraksiya_yigilishi Bino va inshootlarning zilzilabardoshligi va seysmik xavfsizligini nazorat qilishda davlat nazorati va boshqaruvining yanada takomillashtirishga oid qonun loyihasi bilan javobgarlik choralari kuchaytirilmoqda. Yig‘ilishda mazkur qonun loyihasi mavjud va qurilayotgan bino hamda inshootlarning seysmik bardoshliligini oshirishga xizmat qilishi ta’kidlandi. ✅Telegram|✅Facebook | 🌐Instagram |🌐 Web site | 📹You Tube

🔴#Live #Fraksiya_yigilishi Aholiga ko‘rsatiladigan tibbiy yordam va qo‘shimcha xizmatlar tartibga solinmoqda Yig‘ilishda aholiga tibbiy yordamning kafolatlangan hajmiga kiradigan xizmatlarni ko‘rsatish, shuningdek, tibbiyot va farmatsevtika xodimlarining kasbiy faoliyatini amalga oshirish tizimini takomillashtirishga oid qonun loyihasi ko‘rib chiqildi. Qonun loyihasidan ko‘zlangan maqsad tibbiy yordamning kafolatlangan hajmi aniq belgilanganligini inobatga olib, aholiga birlamchi tibbiy-sanitariya yordami muassasalarida davlat tomonidan kafolatlangan tibbiy yordam hajmidan ortiqcha tibbiy yordam va boshqa xil qo‘shimcha xizmatlar, shuningdek, oilaviy shifokor yoki tibbiyot brigadasi yo‘llanmasisiz to‘g‘ridan-to‘g‘ri murojaat qilinganda pulli asosda tibbiy yordam ko‘rsatishning huquqiy asoslarini takomillashtirishdan iborat. Mazkur qonun loyihasi qabul qilinishi natijasida tibbiy-sanitariya yordami muassasalari tomonidan aholiga ko‘rsatiladigan tibbiy yordam va boshqa xil qo‘shimcha xizmatlar tartibga solinadi. Shuningdek, qonunchilik talablariga mos kelmaydigan shaxslarning tibbiy va farmatsevtik faoliyat bilan shug‘ullanishining oldi olinadi. ✅Telegram|✅Facebook | 🌐Instagram |🌐 Web site | 📹You Tube

🔴#Live #Fraksiya_yigilishi Ayni daqiqalarda Oliy Majlis Qonunchilik palatasidagi O‘zbekiston Ekologik partiyasi fraksiyasining yig‘ilishi bo'lib o'tmoqda. ✅Telegram|✅Facebook | 🌐Instagram |🌐 Web site | 📹You Tube

🔴#Live #Fraksiya_yigilishi Qo‘riqlash xizmati sifati yangi bosqichga olib chiqiladi Milliy gvardiya Qo‘riqlash bosh boshqarmasi va uning hududiy bo‘linmalari ichki ishlar organlari tasarrufiga o‘tkazilganligi va Ichki ishlar vazirligi huzuridagi Qo‘riqlash departamenti etib qayta tashkil etilganligi munosabati bilan bir qator qonunlarga o‘zgartirish va qo‘shimchalar kiritilmoqda. Bugun fraksiyamiz yig‘ilishida ko‘rib chiqilgan qonun loyihasi bilan O‘zbekiston Respublikasining Ma’muriy javobgarlik to‘g‘risidagi kodeksiga Qo‘riqlash bosh boshqarmasi tomonidan ko‘rib chiqish vakolatiga doir bo‘lgan ma’muriy huquqbuzarliklarni endilikda Ichki ishlar vazirligi Qo‘riqlash Departamenti mas’ul xodimlari ko‘rib chiqilishi belgilanmoqda. Qonun loyihasining qabul qilinishi amaldagi mavjud qonunchilik hujjatlari tizimlashtirilishi, huquqni qo‘llash amaliyotida yuzaga kelishi mumkin bo‘lgan muammolarning oldi olinishiga va qo‘riqlash xizmatlari sifatini yangi bosqichga ko‘tarishga hamda obyektlar qamrovini kengaytirishga xizmat qilishi aytildi. ✅Telegram| ✅Facebook | 🌐Instagram | 🌐 Web site | 📹You Tube