Post #2206

ТАНИШИНГ: БИРВАРАКАЙИГА 3 ТА ЧЕТ ТИЛИНИ ЎРГАНИШГА ИНТИЛАЁТГАН АУТИСТ СИНДРОМИ БОР ЎҚУВЧИ Бир қарашда бошқа болалардан ажралмайдиган, лекин хатти-ҳаракатлари ва сўзларида ўзига хослик бўлган, дунёни ўз нигоҳи орқали кўрадиган болалар аутизм синдромига чалинган болалардир. Тарихга назар солсак, Исаак Ньютон, Альберт Эйнштейн, Моцарт каби даҳоларда ҳам аутизм жиҳатлари бўлган экан. Шунга қарамай, уларни бугун бутун дунё танийди. Бу болаларнинг ўзига хос дунёси борлигини бугун Пойтахтимизнинг Сергели туманидаги 55-сонли мактабда амин бўлдим. 2-синф ўқувчиси Расулжон биринчи эътиборимни у пластилиндан ясаган ажойиб ўйинчоқлар тортди. Уларнинг ҳар бирига ном берилган. Айримлари лего конструктори каби ўзгаради. Яна унда кўрган ёзувларни айнан ўзидай қилиб ёзиш қобилияти ҳам зўр экан. Расулжон бугун устози Чарос Улуғмуродова, Фотима сингари дўстлари ва онаси ёрдамида мактабдаги таълим йўлини босиб ўтмоқда. Унинг корейс, инглиз ва рус тилларидаги билими мени хайратда қолдирди. Афсус камерасиз унинг айтган сўзларини камера ёққандан кейин “очолмадим”. Расулжон эришаётган ютуқлари хусусида онаси ва устози билан суҳбатлашдик. Расулжон билан яхшилаб шуғулланса ундан келажакда юқорида номлари келтирилган буюк инсонлар сингари етук инсон етишиб чиқиши шубҳасиз.