Post #2226

Нима деб ўйлайсиз, бир одам жамоасиз империя қура оладими? Албатта йўқ! Ҳар бир муваффақият тарихи яхши жамоа билан боғлиқ. Улкан ютуқларга интилаётган эканмиз, ҳар бир кишидан жамоани шакллантира олишимиз ва бир жамоа бўлиб ишлашни билишимиз керак. Биласизлар кичик қизим бу йил ихтисослашган мактаб ўқувчиси бўлган. Менга бу мактаб таълимидаги бир услуб жуда ёқди. Бу тактика афсуски бугун катта-катта жамоаларда ҳам йўқ, минг афсуски. Биз бирор ишни қилаётганимизда ўзимиз оладиган "очкони" ўйлаймиз. Қизимнинг мактабида эса ўқувчиларни асосий баҳо уларнинг жамоавий ишларни қандай бажарганлигига қараб қўйилади. Айтайлик, бир ўқувчи жамоавий ишда берилган қайсидир вазифани бажармаганлиги қолган ўқувчиларнинг ҳам баҳосига таъсир қилади, бу эса ўз-ўзидан уларни бир тану бир жон бўлиб ҳаракат қилишларига замин яратади. Улар "мен зўр қилишим ва энг зўр баҳони олишим керак" деган тушунчадан йироқ, аксинча улар синфдошлари билан "Сен улгуряпсанми, қандай ёрдам керак биздан, бу вазифани уддалашимиз керак" деган тушунчалар ҳозирдан шаклланади. Бу жараённи кўриб, келажакда бу нарса уларнинг онги шуурига сингиб, улар ҳамма ишда жамоавий ёндашув муҳимлигини тушуниб етадиган авлод улғайяпти деб хурсанд бўламан. Мен устозларимиз ушбу услубни устозларимиз бизнинг мактабларда ҳозирданоқ болаларга сингдириб боришларини жуда истаган бўлардим. Акс ҳолда келажакдан катта умидларимиз бўлган болаларимиз ҳам биз каби фақат ўзини ўйлайдиган худбинлар бўлиб улғайишади.