Post #2475

БУГУННИНГ ЎЗИДА ЧЕТ ТИЛИНИ ЮҚОРИ ДАРАЖАДА БИЛАДИГАН МИНГЛАБ ЁШЛАРГА ЭҲТИЁЖ БОР... Кеча Рақамли технологиялар вазири Шерзод Шерматов оммавий ахборот воситалари вакиллари билан учрашиб, шу масалада ёрдам сўради. Афсуски, бугунги кунда ёшларнинг кўпчилигида четга кетиб ишлаш фикри ўрнашиб қолган. Улар ўз Ватани, яқинлари олдида туриб ҳам даромад топиш имкониятлари ҳақида билишмаяпти. Биласиз, бугун хорижий тил халқаро сертификатини олган ёшларнинг имтихон харажатлари Давлат томонидан тўлиқ қоплаб бериляпти, инглиз тилини биладиганларга эса АйТи сертификат олиш харажатлари ҳам 100 фоиз қоплаб бериляпти. Лекин бу имкониятлардан фойдаланаётган ёшлар кўп эмас. Бугун Ўзбекистонга чет элнинг йирик компаниялари кириб келиши учун барча имкониятлар яритилган. Компаниялар юртимизга киришга қизиқиш билдиряпти ва киряпти. Бугуннинг ўзида ана шундай компанияларда фаолият юритиб, 4-5 минг АҚШ доллари миқдорида маош олаётган ёшларимиз бор. "Биз чет мамлакатларга бориб Ўзбекистоннинг АйТи имкониятларини тарғиб қиляпмиз. Улар юртимизга кириб келганидан сўнг эса бизга чет тилларини мукаммал биладиган ёшлар керак. Аҳамиятли томони, АйТи экспорти компанияларда ишлаш учун фақатгина дастурчи бўлиш шартмас, бошқа кўплаб масофадан кўрсатиш мумкин бўлган хизматлар бор Бу жуда имконияти кенг соҳа, ушбу компанияларда ишлаш учун чет тилини билиш, бироз салоҳият ва ҳаракат кифоя", — дея қайд этди вазир. Бугуннинг ўзида чет тилини юқори даражада биладиган 10 минг нафар ёшларга эҳтиёж бор. Йил охиригача бу эҳтиёж 70 мингдан ошиши кутилмоқда. Юқоридагиларни инобатга олиб, Вазир журналистлардан ана шундай имкониятларни ёшлар орасида тарғиб қилишда ёрдам сўради. Агар сизда хорижий тил сертификати мавжуд бўлса ёки атрофингизда шундай ёшлар бўлса уларни қуйидаги сўровномани тўлдириб, ўзлари ҳақидаги маълумотларни қолдиришларини сўраймиз. Биз сиз билан боғланиб, IТ компанияларга ишга жойлашишингизга ёрдам берамиз! ➡️ Рўйҳатдан ўтиш учун ҳавола - https://forms.gle/qtLZuwGfKidecRJE6