Post #2479

23 ЁШЛИ МАДИНА ОТАСИГА АВТОМОБИЛЬ СОВҒА ҚИЛДИ — «Болалигимда тезроқ катта бўлиб ота-онамга ёрдам беришни орзу қиларди» Бу қиз ким ва у нима билан шуғулланиши барчага қизиқ бўлса керак😇 Мадина МавлоноваЧирчиқдан, у ГРАФИК ДИЗАЙНЕР.У иш фаолиятини фрилансер сифатида уйдан олиб боради. Мадина оддий оиладан, унинг отаси заводда электрик, онаси эса боғчада тарбиячи бўлиб ишлайди. "Ота-онам оила қургач, ҳаммасини биргаликда нолдан бошлаган, мустақил оила тебратиб, бизни катта қилишган. Уларнинг ҳаётдаги қийинчиликларини кўрганимда, тезроқ катта бўлиб, уларга ёрдам бераман деб орзу қилардим." Мадина Чирчиқдаги Техника касб-ҳунар коллежида таҳсил олган. Фаолиятини 17 ёшидан фотостудияга амалиётга чиқиб, суратларни монтаж қилишдан бошлаган. “Даставвал Photoshop’да ишлаб, винеткалар ясаганман. Ўшанда буни дизайн эканлигини ҳатто тушунмасдим. Илк ўқиган ўқув курсим, дастурчилик бўлган. Ўшанда устозим Тошкентда имконият кўпроқлигини айтиб, пойтахтда ишлашимни тавсия қилган. Онамнинг қаршиликларига қарамай, улардан бекитиб, суҳбатга бориб келганман. Билиб қолгач менга уйдан чиқишни умуман тақиқлаб қўйганлар онам. Лекин Тошкентдан қўнғироқ қилиб чақиришганида сўнг, отам ўзлари бирга бориб иш жойимни кўриб, танишгач Тошкентда ишлашга рухсат беришган.» ОТАМГА АВТОМОБИЛЬ УЧУН 2 ЙИЛЛИК ПУЛИМНИ ЖАМҒАРДИМ «2020 йил қаттиқ пандемия бошлаган пайтларда ота-онамнинг ҳам ишлари тўхтаган, шунда касбим иш бериб, уйдан онлайн ўтириб даромад топиб, оиламизни тебратганман. Кейинчалик уйимизни таъмирладим. 2022 йилдан эса пулларимни отамга машина олиш мақсадида йиғишни бошладим ва дадамга янги Кобальт олиб бердим». Маълумот учун: Мадина 6 йиллик тажрибаси давомида 250 дан ортиқ логолар яратган, 300 дан ортиқ ўзи каби ёшларга устозлик қилган. Бундан ташқари Ютуб ижтимоий тармоғига ўзининг бепул дарсларини жойлаб боради. Қизларингизга ишонинг, уларга имконият беринг, эртага айнан қизингиз Мадина сингари сизнинг орзуларингизга етказиши мумкин! Батафсил👉https://www.facebook.com/ITEducationAssociation/