Post #2548

ЎЗБЕКИСТОН ТАРИХИДА ИЛК БОР ҚИЗЛАРИМИЗ ИНФОРМАТИКА БЎЙИЧА ҚИЗЛАР ЎРТАСИДА ЎТКАЗИЛАДИГАН ЕВРОПА ОЛИМПИАДАСИДА ИШТИРОК ЭТМОҚДА 21 июль куни тўрт нафар қиздан иборат Ўзбекистон терма жамоаси информатика бўйича The European Girls’ Olympiad in Informatics (EGOI) Европа қизлар олимпиадасида иштирок этиш учун Нидерландиянинг Эйндховен шаҳрига жўнаб кетди. Олимпиадада 57 давлатдан 200 га яқин қизлар иштирок этади. Олимпиада қизлар ўртасида нафақат техник билимларни ривожлантиради, балки жамоада ишлаш, танқидий фикрлаш, ижодкорлик ва маданиятлараро мулоқот каби шахслараро кўникмаларни рағбатлантиради. Ўзбекистонлик иштирокчилар ICT4Girls олимпиадаси доирасида саралаб олинган бўлиб, қизларнинг иштироки Raqamli texnologiyalar vazirligi ва Рақамли таълимни ривожлантириш маркази томонидан Тошкент шаҳридаги Amity университети ҳамда Ucell компаниялари билан яқин ҳамкорликда ташкил этилди. Ватанимиз шарафини ҳимоя қилаётган қизларимиз билан танишинг: ✅ Зарнигор Рахимова (Бухоро вилояти) ✅ Ойша Мирзатиллаева (Тошкент шаҳри) ✅ Малика Хожамуратова (Қорақалпоғистон Республикаси) ✅ Солиха Дагарова (Самарқанд вилояти) Қизларимизга Олимпиададан улкан ғалабалар билан қайтишларини тилаб қоламиз!