Post #2811

Катта қизим бу йил 11-синфга ўтди. Касб танлашда бир қарорга келишимиз жуда қийин бўлди. Олдимга "ойижон қайси касбга ўқишимни тавсия қиласиз" деган саволни қўйди. Жуда кўп касблар йўқ бўлиб кетиш хавфи юзага келаётган бир пайтда она сифатида мен тўғри тавсия бера олишим зарур. Бир воқеа ёдимга тушди, Халқ таълими вазирлигида ишлаётган пайтим Педагогика университетининг ЧҚБТ (Чақириққа қадар ёшларни тайёрлаш) йўналишида таҳсил олаётган бир талаба менга телефон қилган, бизни мактаб ишга олишмаяпти, бу лавозимга фақат собиқ ҳарбийлар ишга қабул қилинар экан деди, дарҳақиқат ўша пайтда бу лавозим Директор ўринбосарига тенглаштирилган ва унга фақат тажрибага эга собиқ истеъфодаги унга асло кеча ОТМни битирган ёшлар қабул қилиниши кўзда тутилмаган эди. Бу ҳолатда ким айбдор бу касбнинг қанчалик талабгир эканлигини билмай танлаган абитуриентми ёки ўйланмай йўлга қўйилган йўналишми. Хуллас, шунчаки квота катта-кичикилиги, ёки бу йўналишга камроқ одам топшираётгани учун шунчаки олий маълумот олиш учун таваккал касб танлайдиганлар ҳам йўқ эмас афсуски. Буроқ тўғри касб танлаш бу инсон ҳаётидаги ЖУДА МУҲИМ ҚАРОР, эртага афсусланмаслик, ҳаётда ўз ўрнини топиш ва танлаган касби орқали ўзига ва атрофидагиларга фойдаси тегиш учун бу қарорни 7 эмас 7 миллион ўлчаб бир кесиб қабул қилиш керак! Бу ўринда шахсан менинг қизимга жавобим тавсиям тайин эди, лекин барбир кўпни кўрган инсонлар билан маслаҳатлашдим ва кейин бир қарорга келдим. Қизимга IT йўналишни танлашини тавсия қилдим, лекин ЯКУНИЙ қарорни ўзи қизиқишларидан келиб чиқиб қабул қилиши кераклигини айтдим. Куни кеча Рақамли технологиялар вазирлигида “IT ва рақамли таълимни ривожлантириш форуми” бўлиб ўтди. Ширин қизим ҳам ТОП IT касблар тилга олиниши кутилган Форумда иштирок этишни хохлади ва борди. MAAB Innovation Компанияси раҳбари Sherzod Ibragimov глобал даражада ўзгараётган келажак касблари ва Ўзбекистон шароитида бунга мослашиш ечимлари билан бўлишди. У ўзининг Data мутахассисларни тайёрлашга ихтисослашган компанияси ўтказган бир тажриба ҳақида гапириб берди. "Жуда кўпчилик компаниялар, яъни бизнес эгалари ўзида мавжуд муаммоларнинг ечими Data analitik'ларда эканлиги яхши билишмайди. Ўзбекистонда 2024 йилнинг ўзида 500 минг доллардан ошиқ "обороти" бўлган 30 мингдан ошиқ компания бор, агар шуларнинг ҳеч бўлмаганда 20 фоизи, яъни бу 6 мингта компания дегани, Data analitik'лар кераклигини тушуниб етса бу камида фақат шу мутахассисларга Ўзбекистоннинг ўзида камида 6 минг иш ўрни яратилади дегани. Дунё бозоридаги катта талабнику гапирмаса ҳам бўлади...", дейди Шерзод ака (тўлиқ фикрлари пост остидаги видеода). Компания яқинда кичик тажриба қилган, 12 та компанияга шундай мутахассиларини БЕПУЛ ишлатиб кўришга берган ва улардан 7 та компания бироз вақт ўтгач ҳеч иккиланмай ушбу мутахассисларни ўзида олиб қолган. Хуллас шунақа бугун ҳар қандай касб бевосита АйТига боғланадиган замон келяпти, демак ракурсни тўғри олишимиз керак. Фарзандларимизни касбга тўғри йўналтира олиш ва тўғри тавсиялар бера олиш ҳам ота-онанинг масъулияти!