Post #2819

Кеча йўлда кетаётиб шу қизчани кўриб қолдим — қиз бола Яндекс курьери! У қилаётган иш оддий иш эмас. Бу – танлов! Меҳнатнинг уят эмаслигини англаш! Уйда нолиб ўтириш ўрнига кўчага чиқиб пул топиш. “Қиз болага тўғри келмайди” деган жамият гапларига қарши чиқиш. Тиланчилик ёки бошқа енгил йўллар билан пул топмай меҳнат қилиш! Ҳеч кимдан хомтаъма бўлмаслик! Ҳаёт осон эмас, айниқса аёл киши учун. Лекин шунга қарамай, биз ишлаймиз, ҳаракат қиламиз, тиришамиз. Ўзим ҳам қачонлардир пулим қолмаган пайтда қизларимни ҳеч нарсага муҳтож бўлмасликлари учун машинамда кира қилганларим ёдимга тушди. Бу менинг ҳаёт йўлим, ва мен ундан уялмайман, у менга шу билан ҳам қадрли.... Ҳар кимнинг ўз ҳаёт йўли бор. Кимдир офисда, кимдир кўчада, кимдир рульда. Ишонаман, бу қиз албатта келажакда қилаётган меҳнатининг мевасини кўради! Бу қизни танимасамда, менинг унга бўлган ҳурматим чексиз, Аллоҳим қилаётган меҳнатларини ажрини берсин! Қизингизни ўқитинг, унга илм беринг, кун келиб бошига ҳар қандай қийинчилик тушганда ҳам ундан қийналмай чиқа олсин!