Post #2968

Икки нафар қаҳрамоним “Зулфия” мукофотини олди🥳🤲 АйТи соҳасида фаолият юритаётганимдан буён соҳада ютуқларга эришаётган иқтидорли ва билимли қизларимизнинг фаолиятларини билан яқиндан танишиб, уларни имконим қадар ёритиб боряпман. Бугун Давлатимиз раҳбарининг Қарорлари билан икки нафар қаҳрамоним Дилафруза ва Нодиранинг ушбу нуфузли мукофот билан тақдирланганларини кўриб, ўз қизларим олганидай ҳурсанд бўлдим. Дарҳол иккалалари билан боғланиб юксак мукофотлар билан табрикладим. Мукофотланган қизларнинг 3 нафари айнан АйТи соҳасидан эканликлари бугун ушбу соҳа қанчалик қизлар орасида ҳам оммалашаётганига яққол мисол бўла олади. Улар орасида яқинда Яқинда АҚШнинг TOP-15 университети саналган RICE’га $380 000 ортиқ тўлиқ грант билан қабул қилинган бундан ташқари Microsoft Ambassador’и Дилафруза ҳам бор. Қизларимиз қаторида барча мукофотланган қизларни ва уларнинг ота-оналарини ушбу ютуқ билан чин қалбимдан табриклайман. Қизларимизга нафақат ишда, ўқишда балки ҳар жабҳада мана шундай омад ва бахт ёр бўлишини тилайман. АйТи соҳасида “Зулфия”га муносиб деб топилган қизларимиз: Иброгимова Нодира Журабековна - Тошкент шаҳридаги «Школа 21» нодавлат таълим муассасаси лойиҳа раҳбари (Сурхондарё вилояти) Жўрабоева Дилафрузхон Сардоржон қизи - Халқаро фрилансерлик платформалари фрилансери (Фарғона вилояти) Мавлонова Севинч Санжар қизи - «Янги Ўзбекистон» университетининг 2-босқич талабаси (Тошкент шаҳри). Уларнинг ҳаммалари ушбу мукофотга жуда ҳам муносиб.