Post #2972

Орзу қилинг — сабаби орзулар инсонни ҳаракатга келтиради ва ишонсангиз албатта ушалади. Яқинда бир Информатика устози билан интервью қилиш мақсадида боғландим. У билан тажрибаси ва ютуқлари ҳақида суҳбатлашишни таклиф қилдим. Аммо у шундай жавоб қайтарди: “Агар иложи бўлса интервьюни бироз кечиктирайлик. Яқин кунларда ‘Беш миллион сунъий интеллект етакчилари’ танлови натижалари эълон қилинади. Ғолиб бўлсам, янада катта натижалар билан интервью бераман”. Бу жавобда орзу ва ишонч бор эди. Бугун бу каби орзулар тасодиф эмас. Давлат даражасида ҳам сунъий интеллект ва IT таълимига катта эътибор қаратилмоқда. “Беш миллион сунъий интеллект етакчилари” лойиҳаси орқали нафақат ёшлар, балки ўқитувчилар ва таълим муассасалари ҳам рағбатлантирилмоқда. Танловда ўқитувчилар пул мукофотлари ва хорижий саёҳатлар, мактаблар эса ҳатто электромобиль билан тақдирланиши белгиланган. Лекин энг катта ютуқ бу совғалар эмас. Бу ўқитувчининг орзуси давлат сиёсати билан бир йўналишда ҳаракатланаётганидир. Чунки кучли ўқитувчи бу фақат билим берувчи эмас, балки келажакни қурётган инсон. Ўқитувчимизнинг орзулари ушалишига ва улар билан айнан шу танловнинг ғолиби сифатида суҳбатлашишдан мен ҳам умидворман. Вазиримиз Sherzod Shermatov ёзганларидек, Сиз ҳам бўш вақтингизни бекор ўтказмай aileaders.uz платформаси орқали сунъий интеллект асосларини ўрганинг, шунда нафақат келажакда муваффақиятга эришиш учун зарур билим ва кўникмаларга эга бўласиз, балки билимларингизни синовдан ўтказиб, қимматбаҳо совғаларга эга бўлишингиз ҳам мумкин!