Post #366

#Тўппонча_мурожаат Биз билмаган маънолар Яқинда “Китобхонлар давраси” гуруҳининг бир эълони матни тўғрисида пост қўйган эдик. Унда телебошловчи, блогер Азиза Қурбонованинг меҳмон сифатида учрашувга таклиф қилингани ва фаол иштирок этганларга “Муаллифа” китоб совға қилиши таъкидланган эди. Биз азбаройи “муаллифа” атамаси тилимизда қўлланилмаслиги, қолаверса, бу сўз меҳмонни эмас, китобни ёзган одамни билдиришини инобатга олиб, мазкур эълонга муносабат билдирган эдик. Постда сўзимизнинг таъсирчанроқ бўлишини истаб, киноявийроқ услуб танлаган эдикки, мақсад – китобхон дўстларимиз билан биргаликда тилимизнинг софлигини асрашга интилиш, сўзларни тўғри қўллаш ва албатта, бир-биримизнинг хато-камчилигимизни холис тўғрилаш. “Китобхонлар давраси” гуруҳи маъмурлари ушбу постга бепарво бўлмасдан бизга мурожаат қилиб таъкидлашдики, арабшунослардан фикр сўралганда, улар араб тилида худди “муаллима” ва “мубашшира” сўзлари каби “муаллифа” атамаси ҳам мавжудлигини қайд этишибди. Биз бу ўринда араб тилида бор сўзни ўзбек тилида йўқ деганимиз учун китобхон дўстларимиздан узр сўрар эканмиз, “Китобхонлар давраси” гуруҳининг иқтидорли аъзоларини янги-янги бадиий асарлар битишга ва ижодларида “муаллифа” сўзини гўзал шаклларда қўллашга чорлаймизки, агарда ушбу сўз халқимиз томонидан қабул қилинса, биз ҳам уни постларимизда, шубҳасиз, ишлатамиз. 👉@tupponchaaa