Post #257

🚨 𝐒𝐡𝐨𝐬𝐡𝐢𝐥𝐦𝐚𝐧𝐠!!! Biz hammamiz kun sayin yangi bilimlarni o‘rganamiz, o'zlashtiramiz va o'rgatamiz. Avvalo dasturlashni endi boshlaganingizda shoshilmang — har bir kalit so‘z yoki tayyor yechimni ishlatishdan oldin muammoni chuqur tushunishga harakat qiling. Avvalo, o‘z mantiqingizni yarating. Oddiyroq yo‘ldan boshlang, kod yozing, boshqa usullarni sinab ko‘ring, bir necha xil uslublarda yechimlar yaratishga harakat qilib ko'ring. Shunda siz nafaqat muammoni hal qilasiz, balki tafakkur doirangiz kengayadi. Keyin esa asta-sekin: - mavjud kalit so‘zlarni o‘rganing, - ularning qo‘llanish use-case'larini tushuning, - har doim bir nechta yechimlarni yozishga odatlaning, - kodni iloji boricha sodda qilishga harakat qiling, - uni qayta foydalanish mumkin bo‘lgan darajada yozishga urunib ko'ring, imkon qadar universal qiling. Mana shu ketma-ketlikda o'sish uslubingizni yaratsangiz bu yondashuv sizni mutaxassis sifatida chindan ham buyuk o‘sishga olib boradi. Chunki dasturchining kuchi faqat kod yozishda emas, balki muammoni qanday yechishda, o‘z mantiqini qanday rivojlantirishida ko‘rinadi. Shuni unutmang, agar siz shu yo‘ldan borsangiz — hech qachon, hech qaysi sun’iy intellekt sizni kelajakda o‘rningizni egallay olmaydi. SI sizga yordamchi bo‘lishi mumkin, lekin o‘rninizni hech qachon to'ldirolmaydi. Chunki sizning fikrlash tarzingiz, muammoni ko‘rish usulingiz va yaratuvchanligingiz — faqat insongagina xos bo'lib, ularni doimiy o'stirish orqali kuchli mutahasis bo'la olasiz. Demak, har kuni oz bo‘lsa ham yangi narsani o‘rganing, o‘z mantiqingizni kengaytirishda davom eting va o‘sishdan xech qachon to‘xtamang. Postdagi media(rasmlar)'ga kelsak: Har bir ishingizda avvalo xato va kamchiliklarga boy bo'lsa ham, eng yomon uslub bo'lsa ham o'z yechimingizni yarating, biroz yangilik bilan boyiting, soddaroq qiling, boshqacharoq yechimlar qilib ko'ring, ularni optimallashtiring va unversal va qayta foydalanishli kodga olib keling. Shu uslubdagi harakat avvalo sizni o'stiradi, logika va tassavuringizni oshiradi. Va bu sizni nafaqat kuchli mutaxasis, balki o'rnini to'ldirib bo'lmas darajaga olib chiqadi. Mukhriddinbek Samidov 🔗YouTube | Instagram | LinkedIn | Telegram | Medium