Post #1036

Статистика айран бағасының бір жарым жылда айтарлықтай қымбаттағанын көрсетті ҚР СЖРА ҰСБ деректеріне сүйенсек, 3-9 қыркүйек аралығында 2,5% майлылығы бар өнімнің бағасы ҚР бойынша орта есеппен 1,2%-ға өскен. Бұл - 2024 жылдың наурызының басынан бергі ең елеулі апталық өсім. Мысалға, 2022 жылдың басынан бері бұдан да жоғары қарқын тек алты аптаның қорытындысы бойынша ғана тіркелген еді, яғни барлық кезеңнің 3%-ында. ❗️Айта кетейік, барлық қалада бірдей қымбаттады деуге болмайды: мысалы, Астана мен Алматыда бір аптада баға өзгермеген. Ал Шымкентте болса +3,2%-ға, Қарағандыда +4,2%-ға, Таразда бірден +6,3%-ға өскен. Жыл басынан бергі динамиканы қарасақ, аталған қалалардың ішінде айранның айрықша қымбаттауыҚарағандыда байқалады: мұнда баға 17,5%-ға өскен, ал ҚР бойынша орташа өсім +5,6%. Сонда бұл қаладағы баға еліміз бойынша орташа деңгейден жоғары болып шықты, бірнеше пайыз ғана болса да: литрі 476 тг болып тұр. 📈Қоса кетсек, жалпы Қарағанды облысында айранды айтарлықтай көп өндіреді. Қоспасыз, кез келген майлылықтағы айранды алар болсақ, қолжетімді соңғы деректерде 7 айдың қорытындысы бойынша аталмыш аймақ елімізде өнім көлемінен екінші орында тұр. Өндіріс жылдық мәнде аздап өскен. Дегенмен, өндіріс көлемінің артуы өнімнің өзіндік құнына әсер ете қоймайтынын да ескерген жөн. Өзіндік құнға тек жаңа сүттің ғана емес, сонымен қатар көбіне айранды дайындарда қолданылуы мүмкін импортталатын құрғақ сүттің бағасы да кіруі мүмкін. @DataHub_KZ