Post #1089

Қазақстанға бір айдың ішінде жел генераторлары әдеттен тыс көп әкелінді Тамызда елімізге шамамен 4 мың дана жел энергиясына арналған электрогенераторлық қондырғылар импортталған. Бұл 2022-2024 жылдар аралығындағы үш толық жылда әкелінген көлемнен де көп. Жыл басынан бергі 8 айдағы жалпы нәтиже 6,4 мыңға жетіп, соңғы бес толық жылдың (2020-2024) жиынтық көрсеткішімен теңесті. Мұндай күрт өсуді, ең болмағанда, ішінара осы генераторлардың түрімен түсіндіруге болады. Деректерде олардың қуаты жөнінде қандай да бір нақты мәлімет жоқ, алайда импорттың едәуір бөлігін шағын әрі арзан құрылғылар құрайтыны анық. Бұл жағдай бір данасының орташа салмағы мен құнын салыстырғанда көрінеді. Мысалы, тамызда әкелінген 4 мың қондырғының әрқайсысының орташа салмағы - шамамен 1 т, орташа бағасы - $5,9 мың; барлығы Қытайдан әкелінген. Ал бір ай бұрын, мысалы, небәрі 468 дана ғана әкелініпті. Олардың да көбі Қытайдан, бірақ орташа салмағы - 13 т, ал орташа бағасы - $63 мың. Нәтижесінде, 2025 жылдың алғашқы 8 айындағы орташа көрсеткіш 6,4 т және $31,5 мың деңгейінде қалыптасты. Бұл 2024 жылдың дәл сол айларымен салыстырғанда тиісінше 54% және 40%-ға, ал 2023 жылдың сол айларымен салыстырғанда бірден 84% және 87%-ға төмен. Қалай болғанда да, тамыз айы әкелінген құрылғылар саны бойынша рекорд орнатты: мұндай нәтиже соңғы онжылдықта бір жылда да тіркелмеген. Ең жақын көрсеткіш 2019 жылы болған еді: 3,9 мың дана, орташа салмағы - 1,7 т, орташа бағасы - $8 мың шамасында. Айтпақшы, осы жел генераторларын қайта сатып жатырмыз ба? Жоқ деуге болады. Биыл шетелге (РФ), әзірге, бар болғаны бір ғана генератор жөнелтілген. Тұрмыстық түрі сияқты, себебі өте шағын әрі арзан. Ресми деректерге сүйенсек, салмағы бар болғаны 23 кг және бағасы $300-дан төмен. ҚР СЖРА ҰСБ деректері @DataHub_KZ