Post #1099

Қазақстандықтар ұлтын қаншалықты жиі өзгертеді? 2025 жылдың қаңтар-қыркүйек айларында, ҚР ІІМ деректері бойынша, ұлтын өзгертуге байланысты құжат (төлқұжат/жеке куәлік) беру үшін 2272 формуляр рәсімделген. Бір формуляр бірден екі құжатқа толтырылуы мүмкін, сондықтан "бір формуляр = бір адам" деп алайық. Сәйкесінше, жыл басынан бергі 39 апта ішінде орта есеппен аптасына шамамен 58 азамат осындай шешім қабылдаған. Қазақстандықтар нақты қандай ұлттан қандай ұлтқа ауысатыны туралы мәлімет, өкінішке қарай, анық емес. Алайда аймақтар бойынша бөлініс бар: соған қарасақ, ұлтты өзгертуге деген қызығушылық Алматы тұрғындары арасында жиірек байқалады: қаңтар-қыркүйек айлары бойынша қаланың әр 10 мың тұрғынына шаққанда 2,5 формулярдан келеді. Мысалы, Астанада бұл көрсеткіш шамамен 2-ге жуық, ал ҚР бойынша жалпы деңгей - 10 мың адамға шаққанда шамамен 1,1 формуляр. Қазақстандықтар тағы қандай себептермен жаңа құжат алуға жүгінгенін иллюстрациядан көре аласыздар. @DataHub_KZ