Post #1277

ХААЖ арқылы Қазақстанға аударымдар көлемі көпжылдық антирекорд орнатты Қаңтарда халықаралық ақшалай аударымдар жүйесі арқылы елімізге шетелден 15,4 млрд тг түскен, бұл бір жыл бұрынғыдан номиналды түрде 3%-ға, ал шын мәнінде 13%-ға төмен. Қазіргі көрсеткіші тіпті номиналды түрде де 2022 жылдың қаңтарынан бергі ең төменгі көрсеткіш болды. Ал инфляцияны ескерсек, онда сөз кем дегенде он жылдағы, 2016 жылдың қаңтарынан бергі, ең төменгі деңгей жайлы болып отыр. Негізгі ақша аударушылардың ішінде ең айқын төмендеу Оңтүстік Корея бойынша байқалады: көрсеткіш номиналды түрде жылдан жылға 41%-ға, ал шын мәнінде 48%-ға төмендеп кеткен. Ал шетелге жіберілген аударымдар ше? Қаңтардаеы көлемі номиналды түрде жылдан жылға 7%-ға төмендеген, 37,9 млрд тг дейін. Шын мәніндегі төмендеуі 17%-ды құрайды. Инфляцияны есепке алмағанда, бұдан төмен көрсеткіш соңғы рет 2020 жылдың сәуірінде, COVID-19 пандемиясының басында, болған еді. Ал есепке алсақ, тағы да кем дегенде 10 жылдық бақылау тарихындағы ең төменгі деңгей болып тұр. Бәрінен көбірек Түркия мен Өзбекстан сияқты ірі қабылдап алушылардың көлемі түсіп бара жатыр. Номиналды түрде - сәйкесіншк 30% және 20%, ал шын мәнінде - 38% және 29%. ҚРҰБ деректері @DataHub_KZ