Post #1283

🧑‍🎓💸Қазақстандықтар жоғары білімге жұмсайтын шығындарын айтарлықтай көбейткен 2025 жылы жоғары білім беру саласында халыққа көрсетілген қызметтердің жалпы көлемі 319,1 млрд теңгені* құрады. ҚР СЖРА ҰСБ деректері негізінде жасалған есептеулерге сүйенсек, 2024 жылмен салыстырғанда бұл көрсеткішноминалды түрде 30%-ға өскен. 💥Бұл өсім кем дегенде соңғы бес жылдағы ең айқын серпілі болып отыр. Салыстыру үшін айта кетсек, алдыңғы төрт жылда ақшалай көлемі жылдан жылға орта есеппен 14%-ға ғана өсіп отырған. Бір қызығы, аталған мерзім ішінде, инфляцияны есепке алғанның өзінде, өсім жоғары деңгейде қалып отыр:+17%. Бұған дейін нақты өсім екі таңбалы көрсеткішке жетпеген еді. Өсім жоғары оқу орындарында халық қаражаты есебінен оқитын студенттер санының артуымен байланысты. 2025 жылдың 1 қазанындағы дерек бойынша аталмыш контингент 383,2 мың адамға жетіп, бір жылда 10%-ға көбейген. Бұған дейін кемінде төрт жыл бойы бұл көрсеткіш айтарлықтай өзгермеген болатын. Көбінесе, шамамен үштен бірінде, халық студенттердің оқу ақысын «Педагогикалық ғылымдар» мамандықтары бойынша төлейді. Екінші орында 22%-бен «Бизнес, басқару және құқық», ал үшінші орында 10%-бен «Денсаулық сақтау және әлеуметтік қамсыздандыру» тұр. Айта кетейік, өңірлер бойынша 2025 жылы халықтың жоғары білімге жұмсаған қаражатының ең үлкен үлесіАлматы қаласына тиесілі болған - 38%. Одан кейін үлкен айырмашылықпен келесі өңірлер тұр: Астана - 14%, Шымкент - 11%, Қарағанды облысы - 6%. Сәйкесінше, қалған 16 өңір жалпы соманың 31%-ын өзара бөліседі. 🖇Жалпы алғанда, 2025 жылы мекемелер жоғары білім беру қызметтері үшін барлық жерден 807,8 млрд теңге алған. Оның 57%-ын, яғни 463,5 млрд теңгені мемлекет қамтамасыз еткен. 2024 жылға қарағанда оның көлемі номиналды түрде 18%-ға, ал нақты мәнде 7%-ға артқан. Мемлекет есебінен оқитын студенттер саны да жылдан жылға 10%-ға өскен. Алдыңғы екі жылда да өсім қарқыны осы шамалас болған еді. *Сомасы негізгі қызмет түрі «Жоғары білім беру саласындағы қызметтер» (ЭҚЖЖ 85421 коды) болып табылатын заңды тұлғалардың деректері негізінде есептелген @DataHub_KZ