Post #163

ҚР-да іс жүзінде өндірісі құлдырап бара жатқан қант туралы хикаямыздың жаңа эпизоды. Мамырдың қорытындысы бойынша өнім бағасы, ҚР СЖРА ҰСБ соңғы деректерінен көрініп тұрғандай, айдан айға өзгермеген деуге болады (+0,1%), ал жылдан жылға 4,6%-ға төмендеді. Шыны керек, наурыз және сәуір айларында бағалары айдан айға белсенді түрде өсті, бірақ жыл басынан бері кезеңдегі орташа құны 2023 жылдың сол айларына қарағанда бәрібір де 9,8%-ға аз. Жыл басында ҚР ішінде сату көлемі төмендеген болатын: I тоқсанда жылдан жылға жартысына жуық қысқарды. Ал шет елдерге сату қарқынды түрде, яғни сол 3 айда нөлден 33 мың тоннаға дейін өсті. Сонымен қатар соңғы жылдары қазіргі ауқымдағыдай экспорт болған жоқ, десе де, көрсеткіштер әрқашан құбылмалы болды (кестені қараңыз). Бірақ сандар қалай болса да көзге түсерліктей: 2024 жылдың 3 айындағы деңгей соңғы толық (!) бес жылдағы көлемнің 57%-мен салыстыруға келеді. Ал жақында Ауыл шаруашылығы министрлігін бұл үрдіс алаңдатып отырғаны белгілі болды: олар жаздың соңына дейін экспортқа тыйым салуды ұсынуда. Олардың айтуынша, қазіргі қор 2,5-3 айға жетеді, ал Ресей Федерациясынан келетін шектеулі жазғы жеткізілім тағы бір 2,5 айға жетіп қалады. @DataHub_FCBK