Post #167

Бүгін жұма, жұмыс аптасы аяқталады, демек, мүлдем пайдасыз есептеулердің уақыты келді. Сандарды ТМД Статкомитетінің ұйым елдеріндегі баға жағдайы туралы жаңа жинағынан аламыз. Материалдарда бір қызықты үзік бар. 2023 жылғы желтоқсандағы жағдай бойынша сегіз астанадағы негізгі азық-түлік өнімдерінің құны келтірілген – Астана, Баку, Бішкек, Душанбе, Ереван, Минск, Мәскеу, Ташкент. Бұл құнды салыстыру тек абсолютті мәнде ғана емес, сонымен қатар қалалардың әрқайсысында 1 кг сиыр етінің орташа бағасынақатысты ұсынылады. Сонымен, ойша күлкілі эксперимент жасайық. Қазір өткен жылдың желтоқсан айы деп елестетіп көрейік, сізде мүлдем ақша жоқ, бірақ сол орташа статистикалық 1 келі ет (сүйегімен) бар. Айырбастау үшін қай астанаға барған дұрыс болар еді? Міне, сізге шамамен сандарды ұсынамыз – жинақта олар ықшамдалған, бірақ саудаласуға болады деп санайық: 🧈Сары май алу үшін Бішкекке барған жақсы, 1,3 кг шығады. Мәскеу мен Душанбеге баруға кеңес бермейміз, ол жақта 600 г-нан аз шығады, ал Астанада сәл ғана көп. 🌻Күнбағыс майын алу үшін Ереванға бару керек, 1 кг сиыр еті үшін бірден 5,6 л шығады. Астанада, айтпақшы, тек 3,8 л болады. 🥛 Ал сүтті өзімзіде айырбастауға болады - 7,7 л шығады, ең жақсы ұсыныстардың бірі. Ал ең нашар ұсыныс Бакуда - 4,8 л. 🥚Жұмыртқаларға, керісінше, Әзірбайжан астанасында айырбастаған дұрыс, бірден жетпісін ала аласыз. 🍞Нанды Душанбеде немесе Ташкентте алсаңыз, шамамен 17 кг шығады. Ең тиімсіз нұсқа – Минск, барлығы 4 кг ғана болады. 🥔Картоп алу үшін Астанаға немесе Мәскеуге бару керек. Статистика бойынша желтоқсанда, шамамен, 25 кг-дық қапты алуға болады. Ал Минск, Баку және Душанбеде тек жарты қап шығар еді. Айтпақшы, қазір картоп бізді қымбаттап бара жатыр. ҚР СЖРА ҰСБ-ның 4 маусымдағы деректеріне сүйене отырып теңгемен орташа бағада есептесек, Астанада сиырдың бір келі жауырыны үшін 18 кг-нан аз шығады. Сондықтан өткенге оралып, картопқа сол жақта айырбастауды ұсынамыз 🙃 Әрине, әзіл өз алдына, десе де, ыңғайлы уақытта өмір сүреміз: азық-түлікті айырбастаудың қажеті жоқ, жай ғана ақшаға сатып алуға болады. Әрине, егер олар бар болса 😐 @DataHub_KZ