Post #354

↘️💰 Халықтың депозиттеріне қойылатын мөлшерлемелер соңғы бір жарым жылдағы ең төменгі деңгейге дейін төмендеді Шілде айында жеке тұлғалардың теңгедегі депозиттеріне ЕДБ бойынша орташа өлшемді сыйақы мөлшерлемесі 13,5%-ды құрады. Мұндай төмен көрсеткіш соңғы рет 2023 жылдың наурызында байқалған еді. Бұл көрсеткіш соңғы төрт айдың үшеуінде төмендеді (маусым айында өзгеріс болмады). Бұл динамикаға базалық мөлшерлеменің төмендеуі әсер еткен деп болжауға болады. Алайда, қалыптасқан жағдай депозиттерде ақша сақтау тиімсіз дегенді білдірмейді. 👉🏻 Біріншіден, ағымдағы көрсеткіш тарихи жоғары деңгейде қалып отыр. 👉🏻 Екіншіден, ол жылдық инфляциядан 4,9 пайыздық тармаққа жоғары. Бұл соңғы 12 айдағы мөлшерлемелер пайдасына ең үлкен айырмашылықтардың бірі. Мысалы: 2023 жылдың наурыз айында базалық мөлшерлеме 16,75% болған кезде депозиттер бойынша сыйақы инфляциядан 4,6 пайыздық тармаққа төмен болды. Сондай-ақ қосымша айта кететін жайт, шілде айында тартылған депозиттердің көлемі маусыммен салыстырғанда 15%-ға, ал 2023 жылдың шілде айымен салыстырғанда 52%-ға, яғни 4,9 трлн теңгеге өсті. Мәліметтер – ҚР Ұлттық банкі @DataHub_KZ