Post #376

Қонақүйлер қабылдаған қонақтар саны рекордтық мөлшерге жетті. Үндістандықтардың белсенділігі басым болып тұр 2024 ж. I жартыжылдығында орналастыру орындары* 4 млн жуық адамға қызмет көрсеткен – 2023 ж. осы кезеңімен салыстырғанда 400 мың адамға көп. Бұл көрсеткіш кем дегенде 2014 ж. бері ең жоғары деңгейге жетті, оған ұйымдардың санының өсуі де ықпалын тигізді. Аталған 4 млн адам қонақүйлерге 121 млрд тг табыс әкелді; әр адамға орташа есеппен 30,4 мың тг жұмсалған, бұл номиналды түрде өткен жылға қарағанда 10,6%-ға артық. Қонақтардың басым бөлігі – ҚР резиденттері, тек 14% - шетелдіктер. Биыл да, өткен жылы да шетелдіктердің көпшілігі РФ азаматтары болды, бірақ қазір ресейліктер саны азайған: 186 мыңға қарсы 233 мың адам. Ал белсенділігі артқан – үндістандықтар. Үндістаннан келген қонақтар саны бір жылда 2,5 есе өскен, 22 мыңнан 54 мың адамға дейін. Бұл - барлық мемлекеттер арасында ең үлкен өсім. *«Уақытша орналастыру қызметтерін ұсыну» секторы; заңды тұлғалар мен ЖК ҚР СЖРА ҰСБ деректері @DataHub_KZ