Post #473

Ресейге ХААЖ арқылы жіберілген ақша көлемдері күрт төмендеуде Қыркүйекте халықаралық ақша аударымдары жүйелері арқылы Қазақстаннан Ресейге 14,3 млрд тг жіберілді, бұл инфляцияны ескермегеннің өзінде өткен аймен салыстырғанда төрттен біріне, ал өткен жылмен салыстырғанда үштен біріне аз. Ағымдағы көрсеткіші – номиналды түрде 2023 жылдың қаңтарынан бері, ал салыстырмалы бағада есептегенде 2022 жылдың ақпанынан бері ең төменгі деңгейде. Бұл ретте көрсеткіш соғысқа дейінгі нормаларға оралып жатыр деп айтуға келмейді: 2021 жылы Ресейге жөнелтілген ақша көлемі қазіргіге қарағанда көп болған. Ақша аударымдары қарқынды түрде төмендеп жатқан тағы бір бағыт – Өзбекстан. Номиналды түрде айдан айға -23%, жылдан жылға -21% болды, қазіргі көлемі - 22,8 млрд тг. Бұл елге маусымдық сипат тән, сондықтан қыркүйек үшін ағымдағы деңгейі 2020 жылдан бері ең төменгі көрсеткіш. Нәтижесінде, Қазақстаннан сыртқа жіберілген жалпы ақша аударымдары да едәуір төмендеді: номиналды түрде айдан айға -17% және жылдан жылға -32%, алайда ұзақ мерзімді антирекордтар туралы сөз қозғау әлі ерте. Айта кететін жайт. Сыртқа жіберілген ақша аударымдары арасында тамызда әзірлеушісі санкцияға ұшыраған «Золотая коронаның» үлесінің төмендеуі назар аудартуда. Қыркүйекте жалпы транзакциялардың 77%-ы осы жүйе арқылы өтті, ал тамызда 91%, шілдеде 93% болған еді (операциялар бойынша есептедік, ақшалай емес). Негізінде, санкциялардың енгізілуіне байланысты біздің банктердің бір бөлігі «Золотая корона» арқылы аударымдарды тоқтатқан болатын, бірақ қазір олардың кейбіреулері қайтадан жұмыс істей бастады. ҚР Ұлттық банкі деректері @DataHub_KZ