Post #490

🇺🇸🇰🇿 Барлығы АҚШ президентінің сайлауындағы дауыстар санағын қадағалап отырғанда (кім жеңіп жатқанын сіздер бізсіз-ақ көріп отырсыздар), біз соңғы онжылдықтан сәл астам уақытта - 2013 жылдың басынан бері Америкамен экономикалық байланыстарымыздың қалай құрылғанын қарап шықтық. Осы уақыт ішінде Ақ үйде екі демократ (Барак Обама екінші президенттігі кезінде және қазіргі көшбасшы Джо Байден) және бір республикашыл (Дональд Трамп) отырып үлгерді. Мемлекет басшысы лауазымындағы жұмыс мерзімі күнтізбелік жылмен толық сәйкес келмесе де (инаугурация қаңтардың екінші жартысында өтеді), түсіну оңайырақ болуы үшін біз Обаманың жұмыс кезеңі 2013-2016 жж, Трамптың кезеңі - 2017-2020 жж және Байденнің кезеңі 2021-2024 жылдар деп қарастырамыз. Сонымен, қайсысының кезінде біз жақсы өмір сүрдік? 🙃 🔵ҚР мен АҚШ сауда-саттығы демократтар кезінде қарқындырақ болды: Обама кезіндегі тауар айналымы – $8,7 млрд, толық емес төрт жыл ішіндегі Байденнің кезінде – $12,6 (2024 жылдың 9 айының қорытындысы бойынша). Ал Трамптың кезінде $7,8 млрд болды. 🔴АҚШ-тан тікелей инвестициялардың жалпы ағыны республикашыл кезінде жақсырақ болды – орташа жылдық деңгей $4,2 млрд болып шықты. Обама кезінде $3,2 млрд болса, Байден кезінде толық үш жыл ішінде орта есеппен – шамамен $3 млрд. 2024 жылдың бірінші жартыжылдығының қорытындысы бойынша небәрі 177 млн. қалыптасты. 🔵Доллар/теңге бағамына келетін болсақ, біздің ұлттық валютамыз демократтарды көбірек ұнататын сияқты. Рас, мұнда тек Байден мен Трамп бойынша бағалау керек: теңгенің құбылмалы бағамына біз 2015 жылдың тамызында көштік. Сонымен, егер біз доллардың орташа бағамы әр президенттің билігінің соңғы жылында ол келгенге дейінгі соңғы жылмен салыстырғанда қалай өзгергенін қарастыратын болсақ, әзірге Байден жеңіп тұр. Трамп кезінде 2020 жылдың қорытындысы бойынша орташа бағам 2016 жылмен салыстырғанда 21%-ға жоғары болып шықты, Байден кезінде 2024 жылдың 10 айының қорытындысы бойынша орташа мән 2020 жылмен салыстырғанда 12%-ға ғана жоғары екен. ⚠️Өздеріңіз түсініп отырғандай, барлық осы заңдылықтарды байыпты қабылдаудың қажеті жоқ: мұнда жай ғана биліктің ауысуынан гөрі факторлар әлдеқайда-а-а көп. Доллардың өзі үшін Трамптың қазіргі жеңісі шын мәнінде басқа маңызды әлемдік валюталарға қатысты нығаюына себеп болуы мүмкін. Экономистердің мұндай болжамдары Трамп бағдарламасы инфляцияның үдеуіне ықпал етуі мүмкін екендігіне және сәйкесінше мөлшерлеменің өсу перспективасына негізделген. Импорттық тауарларға қосымша баж салығын енгізу де долларды нығайтуы мүмкін. Рас, Трамптың өзі, керісінше, американдық валютаның әлсіздеу болғанын қалайды (бұл экспортқа көмектесуі тиіс). Бірақ ақырында не болатынын төрт жылдан кейін көреміз 😉 ҚР ҚМ МКК, ҚР Ұлттық банкі деректері @DataHub_KZ