Post #492

💰Қазанда Ұлттық қордан пайдаланылған қаражат көлемі түскен қаражаттан 2,5 есе асып түсті Өткен айда Ұлттық қорға 256,6 млрд тг түскен, оның негізгі бөлігін мұнай секторының тікелей салықтары құрайды. Ал шығын 641,3 млрд тг жетті делінген Қаржы министрлігінің деректерінде. Бұл қаражаттың аз ғана бөлігі, 1,3 млрд тг, қорды басқару шығындарына жұмсалса, 640 млрд тг мақсатты трансферттерге бағытталған. Номиналды түрде бұл – кем дегенде соңғы екі жылдағы ең айқын айлық көлем, бірақ инфляцияны ескерсек, 2024 жылдың қаңтарындағы (сол кездегі бағамен 601,6 млрд тг) деңгеймен шамалас. 🫰🏽 Алайда бір нюанс бар: жылдың алғашқы айында қаражат негізінен кепілдендірілген трансферттерге бағытталған болса, қазір қосымша сұралған мақсатты трансферттер туралы сөз болып отыр. Биыл бастапқыда мақсатты трансферттер 1,6 трлн тг көлемінде белгіленген болатын, бірақ 1 қазанға қарай бұл көрсеткішті асып түсті. Қазанның ортасында Ұлттық банк үкіметтің қосымша 2 трлн тг алуды жоспарлағанын мәлімдеді. Қаржы министрлігінің айтуынша ол қаражат, негізінен, «аймақтардың инфрақұрылымын нығайтуға» бағытталады. Жыл соңына дейін, сәйкесінше, мақсатты трансферттер үшін тағы шамамен 941 млрд тг алулары керек, бұл Ұлттық қордан пайдаланылған қаражаттың жиынтық көлемін 2024 жылдың қорытындысы бойынша шамамен 5,6-5,7 трлн тг жеткізеді (2023 жылы 4,1 трлн тг). Нақты сома басқару шығындарына байланысты болады, шын мәнінде, ол аса үлкен сома емес. Әзірге, жыл басынан 1 қарашаға дейін Ұлттық қордан 4,7 трлн тг жұмсалған, бұл өткен жылмен салыстырғанда номиналды түрде төрттен біріне артық. Кірістер де артқан - 30%-ға, 5,8 трлн тг дейін. Жақсы емес пе? Солай сияқты. ☝🏼Алайда бұл өсімді бірінші жартыжылдықтағы инвестициялық кіріс қамтамасыз етіп отыр. 2024 жылдың 10 айының қорытындысы бойынша бұл қаражатты есепке алмасақ, кіріс көлемі номиналды түрде өткен жылмен салыстырғанда 10%-ға төмендеген. Ұлттық қордағы қазіргі қаражат көлемі шамамен 31 трлн тг, қатарынан екінші айдың қорытындысы бойынша азаюда. Десе де, 2023 жылдың 1 қарашасымен салыстырғанда өсім бар: номиналды түрде +12,7% (инфляция 8,5% болғанда). Теориялық тұрғыдан, бұл жағдай жыл соңына қарай инвестициялық кіріс есебінен жақсаруы тиіс, бірақ онсыз, өздеріңіз де түсінгендей, жағдай мәз емес. @DataHub_KZ