Post #518

👀Қазан айында несие беру нарығының жайы қалай болды, соған көз жүгіртетін уақыт келді. Жеке тұлғалар сегментіндегі негізгі бақылаулар: 📉Жалпы несие беру көлемі қыркүйекпен салыстырғанда 6%-ға төмендеп, 1,3 трлн тг құрады. Динамика негізінен кепілсіз тұтынушылық несиелер есебінен болды, мұнда көлемі айдан айға шамамен 17%-ға төмендеп, 783 млрд тг жетті. Бұл сегменттегі соманы төменге тартқан – несие берудің санының азаюы: қазанда 2,7 млн келісімшарт жасалған, бұл өткен айға қарағанда -22%, ал 2023 жылдың қыркүйегінен бергі ең төменгі көрсеткіш. 🏎 Ал автонесиелеу, керісінше, жақсы жүрген: несие беру көлемі қыркүйекке қарағанда 32%-ға артып, 184 млрд тг жетті. Келісімшарттар саны да осы шамалас динамиканы көрсетті: 23,3 мың дана, айдан айға +29%. 🏘Ипотекалық несие беру төртінші ай қатарынан 200 млрд тг жоғары деңгейде тұр: осы айда 220,1 млрд тг болды, қыркүйекке қарағанда +9%. Келісімшарттар саны 11%-ға өсті, 12,9 мыңға жуық, оларды 12,8 мыңнан астам қарыз алушы рәсімдеген. Жалпы ипотеканың портфелі 1 қарашаға қарай 6,4 трлн тг жетті, бұл сомаға 612 мың келісімшарт пен 585 мың адам кіреді. Ал енді бизнес-несиелеу туралы аздаған мәлімет: ↘️Жалпы несие беру көлемі қыркүйекпен салыстырғанда 16%-ға төмендеп, 1,6 трлн тг аз болды. Бұл соманың үлкен бөлігі, яғни 1,4 трлн тг, негізгі динамиканы айқындаған заңды тұлғаларға тиесілі: қыркүйекпен салыстырғанда -18%. Бірақ бұл жерде ескеретін жайт бар, қыркүйекте жекелеген үлкен келісімшарттар аясында сомалар да айтарлықтай болды. 📄Бизнес тарапынан алынған несиелердің саны 8%-ға, 48,5 мың бірлікке дейін өскен. Оның ішінде 35,7 мың бірлікті ЖК қамтамасыз етті, қыркүйекпен салыстырғанда өсім +10%. Қосымша мәліметтерді келесі посттағы суреттерден таба аласыз Бірінші кредиттік бюро деректері @DataHub_KZ