Post #763

Айдың аяғында, әдеттегідей, несиелеу нарығындағы соңғы үрдістерге тоқтала кетейік. Бүгін назарымызда – ақпан айының қорытындылары. Жеке тұлғалардан бастайық. 📈Жеке тұлғаларға берілген несиенің жалпы сомасы қаңтармен салыстырғанда 1,7%-ға өсті. 🚘Автонесиелердің берілу көлемі айлық мәнде 36,1%-ға өсіп, 165 млрд теңгеге жетті. Өткен айдағы күрт құлдыраудан кейін қалпына келе бастаған сыңайлы. Қазіргі деңгейі алдыңғы көрсеткіштермен салыстырғанда әлдеқайда жоғары, әсіресе, ақпан айларымен салыстырғанда. Жылдан жылға өсім 28,8%-ды құрады. 🏘Ипотекалық несие көлемі қатарынан екінші ай төмендеп барады. Дегенмен, ақпандағы айдан айға төмендеуі - білінер-білінбес қана. Көрсеткіш 152,8 млрд теңгеге дейін төмендеп, небәрі 0,2%-ды жоғалтты. Теріс динамиканың бір себебі маусымдық бәсеңдеуге байланысты болуы мүмкін: жылдың ең төменгі көрсеткіштері, көбіне, алғашқы айлардың қорытындылары бойынша тіркеледі. Оған қоса 1 наурызға қарай ипотекалық несиелер бойынша жалпы қарыз көлемі 6,7 трлн теңгеге жуықтаған. Бұл сома 634 мың келісімшарт пен 606 мың қарыз алушы арасында бөлінген. ☝️Айтпақшы, қызықты ақпарат: ақпанда берілген автонесиелердің көлемі соңғы 11 айда алғаш рет ипотекалық несиелердің көлемінен асып түсті. Соңғы рет автонесие басып озғанда, айырмашылық номиналды түрде аз болған еді (8,8 млрд теңге және қазір 12,3 млрд теңге). 🛒Өткен аймен салыстырғанда кепілсіз тұтынушылық несиелердің берілуі де азайған (жеке тұлғалар берілген несиенің 2/3 құрайды) - минус 4,1%, 838,5 млрд теңге дейін Сонымен қатар қарыз алушылар саны да қысқарғаны байқалды: ақпанда мұндай несиелерді рәсімдеген адамдардың саны қаңтармен салыстырғанда 14,6%-ға төмендеген. Ал берілген несиелердің саны одан да көбірек азайған - 21,2%-ға. Енді кәсіпорындарға берілген несиелерге көшейік. 📊 Заңды тұлғалар мен ЖК берілген несиелердің жалпы көлемі 1,7 трлн теңгеге жуықтады. Өткен айға қарағанда өсім айтарлықтай – плюс 47,3%. Дегенмен, бұл өсім қаңтардағы төмен базаға байланысты екенін ескеру керек. Жылдық есептеуде өсім 10,6%-ды құрайды (бұл көрсеткіш 9,4% деңгейіндегі жылдық инфляцияға түзетусіз есептелген). 💼 Барлық берілген несиелердің жалпы сомасының 92%-ын заңды тұлғалар құрайды. Абсолюттік мәні – 1,5 трлн теңге, бұл айдан айға 49,3%-ға, жылдан жылға 12,7%-ға өсім көрсетті. Тиісінше, ЖК берілген несиелердің үлесі – 8%, яғни 132,2 млрд теңге. Салыстырылып отырған кезеңге қарағанда мұнда динамика әртүрлі: айлық мәнде 28%-ға өсім байқалса, жылдық мәнде 8,4%-ға төмендеу тіркелді. Қосымша мәліметтерді келесі посттағы суреттерден таба аласыз Бірінші кредиттік бюро деректері @DataHub_KZ