Post #784

🧐АҚШ-пен сауда және жаңа баж салықтары: қандай қауіптер бар? Бүгінгі күннің ең басты экономикалық жаңалықтарының бірі – АҚШ президенті Дональд Трамптың әртүрлі елдерден, соның ішінде Қазақстаннан да, импортталатын өнімдерге кедендік баж салығын енгізу туралы шешімі. Болжам бойынша біздің еліміз үшін тариф 27% болуы керек, алайда кейбір тауарлар жеңілдікке іліккен. Ақ үй бұл санатқа жататын тауарлардың нақты тізімін де жариялады, олардың ішінде әртүрлі маңызды шикізат түрлері де бар. Өзіміздің сауда статистикамызға сүйенсек, біз АҚШ-қа, негізінен, шикі мұнай, уран және күміс экспорттаймыз (2024 жылғы деректер бойынша). Жоғарыда аталып өткен ұзақ тізімде бұл тауар топтары, жалпы алғанда, бар екен, әрі АҚШ-та қабылданған жіктемеге сәйкес нақты сипаттамалары және кодтарымен көрсетілген. 🇺🇸Бұл жіктеменің өзіндік ерекшеліктері бар, сондықтан кодтарды салыстыру үшін 2024 жылғы америкалық сауда статистикасын қолданамыз. Бірден айту керек, бұл деректер біздегі мәліметтерден аздап өзгеше: сондай-ақ олардың есебінде Қазақстанның АҚШ-қа экспорты бойынша өткен жылғы статистикада тіркелмеген кейбір тауарлар бар. Бұл айырмашылықтар, теориялық тұрғыдан, есеп жүргізу әдістеріне байланысты болуы мүмкін 🤔 Дегенмен, екі жақтың деректерінде де кездесетін, күмән тудырмайтын маңызды тауар санаттарына назар аударайық. Сонымен негізгі мысалдар: 🔸 Битуминозды минералдардан алынатын шикі мұнайдың, америкалық мәліметтерге сәйкес, 2024 жылғы АҚШ-қа экспорты $1,15 млрд құрады, бұл біздің жалпы АҚШ-қа сатылымымыздың (олардың есебі бойынша) шамамен жартысын құрайды. Бұл код жаңа баж салығынан босатылған тауарлар тізімінде бар✅ 🔸ҚР-дан АҚШ-қа уран қосылыстарының экспорты $289 млн жеткен, бұл АҚШ деректері бойынша жеткізілімдердің 12%-ын құрайды. Бұл код та баж салығынан босатылған тауарлар тізіміне кірген✅ 🔸Феррохромның, америкалық мәліметтерге сәйкес, екі түрі айтарлықтай көлемде экспортталған, жалпы сомасы - $161,3 млн, АҚШ-қа жалпы сатылымның 7%-на тең. Екі код та тізімге енген✅ 🔸 АҚШ деректері бойынша күміс құймалар$146,8 млн көлеміндегі сомаға экспортталған, жалпы құрылымдағы үлесі – 6%. Бұл өнімнің коды да баж салығынан босатылғандардың тізімінде бар✅ Нәтижесінде, салықтан босатылған бес кодтың өзі, америкалық мәліметтер бойынша, АҚШ-қа экспортымыздың шамамен үштен екі бөлігін құрайды. Қазақстандық деректерде сомалары өзгешеленуі мүмкін, бірақ жалпы алғанда осыған ұқсас өнімдер экспорттың 92%-ын құрайды. Әзірге нәтиже жаман емес, көңілге қонымды болып тұр... US International Trade Commission, ҚР ҚМ МКК дерекетері @DataHub_KZ