Post #860

📱Қазақстандықтар маркетплейстер арқылы белсенді түрде тауар сатып ала бастады 2024 жылы ҚР-дағы электрондық коммерция платформалары арқылы 152,5 млн тауарға тапсырыс тіркелді, бұл 2023 жылмен салыстырғанда 28%-ға көп. Сонда әр қазақстандыққа шаққанда (жасына қарамастан) 2023 жылы 6 тапсырыс келсе, өткен жылы 7,6 тапсырыс тиесілі болып отыр. Қанша тауар сатып алынғаны бізге белгісіз, бірақ төлем сомасын білеміз - 2,7 трлн тг. Жылдан жылға көлемі номиналды түрде жарты есеге өскен, ал жалпы инфляцияны ескерсек, 39%-ға артқан. Орташа чек те өскен: 2024 жылы бір тапсырысқа орта есеппен 17,6 мың жұмсалған болса, 2023 жылы бұл көрсеткіш 14,8 мың болған еді. 🧐2024 жылы маркетплейстердегі тапсырыстардың негізгі үлесі телефондар мен гаджеттерге тиесілі болды - жалпы көлемнің 27%-ы немесе шамамен 735 млрд тг (+51% номиналды өсім). Ал ең жоғары өсім қарқынын киім/аяқ киім/спорт тауарлары санаты көрсетті, мұнда сомасы номиналды түрде 4 есеге өсті. Ал төлемдердің жалпы көлеміндегі үлесі 2023 жылғы 4%-дан өткен жылы 10%-ға дейін көтерілген (277,4 млрд тг). ҚР СЖРА ҰСБ деректері @DataHub_KZ