Post #937

Ұлттық банк бүгінгі шешімді қалай түсіндіреді? Төменде ресми баспасөз хабарламасында жарияланған негізгі аргументтерді ұсынамыз. 🔸Маусымда айлық инфляцияның қарқыны бәсеңдеп, 0,8%-ды құрады. Ал жылдық инфляция керісінше, 11,8%-ға дейін жеделдеді.Тұтыну бағаларының өсуіне ең көп әсер еткен - ақылы қызметтер (16,1%). Бұл көрсеткіш реттелетін және нарықтық қызметтердің қатар қымбаттауынан қалыптасты. Сонымен қатар жалпы көрсеткіштің динамикасына азық-түлік инфляциясы да айтарлықтай ықпал етті, жылдан жылға +10,6%. Бұл жағдайда екі таңбалы өсім негізінен импорт пен негізгі ауыл шаруашылығы өнімдерінің қымбаттауымен түсіндіріледі. 🔸Халықтың алдағы 12 айға деген инфляциялық күтулері төмендегенімен, әлі де жоғары деңгейде қалып отыр. Сонымен қатар нарықтың кәсіби қатысушыларының биылғы жылға арналған инфляцияға қатысты болжамы нашарлаған. 🔸Сырттан келетін қысым біршама әлсіреді - ірі сауда серіктесіміз Ресейде инфляция баяулады. Тұтыну тауарлары мен қызметтер бағасының өсуі дамыған елдерде де баяулауда. Белгісіз бағытта өсіп жатқандықтан, жетекші орталық банктер сақтықпен, ұстамдылықпен саясат жүргізіп отыр. Маусымда Ресей Банкі негізгі мөлшерлемені 20%-ға дейін төмендетті. Алдағы уақытта да қатаң ақша-несие жағдайын сақтауға ниетті. Осылайша, Ұлттық банктің пікірінше, инфляцияға қысым жасайтын негізгі қауіптер ішкі факторлармен байланысты. Бұл орайда тұрақты ішкі сұраныс, тұтынушылық несиелеудің белсенділігі, жоғары инфляциялық күтулер, тарифтік және салық реформалары жайлы сөз болып отыр. Реттеуші Үкіметтің коммуналдық қызмет тарифтерін көтеру қарқыны мен мерзімдерін қайта қарау туралы шешімі болашақта қызмет көрсету саласындағы инфляцияны жұмсартуға мүмкіндік береді деп күтеді. Ал сыртқы факторлардың ішінде Ұлттық банк бағаның жедел өсуіне әкеліп соқтыруы мүмкін дүниежүзілік саудадағы белгісіздіктің артуы мен геосаяси ахуалдың күрделенуін атап өтті. ☝️Қорытындылай келе, базалық мөлшерлеме жыл соңына дейін қазіргі деңгейде сақталуы мүмкін, дегенменоның көтерілуі де жоққа шығарылмайды. Келесі шешім 29 тамызда қабылданады. @DataHub_KZ