Post #947

Капиталдағы инвестициялардың әрбір бесінші теңгесі бюджет есебінен түскен 2025 жылдың І жартыжылдығында негізгі капиталға салынған инвестиция көлемі шамамен 8,2 трлн тг құрады. Оның ішінде 1,8 трлн тг жуық (яғни 22%) қаражат республикалық немесе жергілікті бюджеттерден бөлінген. Қаңтар-маусым кезеңі үшін бұл бюджет есебінен қаржыландырудың үлесі кемінде 2010 жылдан бергі ең жоғары көрсеткіш болып отыр. Соңғы жылдарда бұл көрсеткіш орта есеппен 14% деңгейінде болған. Ал 2024 жылдың І жартыжылдығында да сол шамалас (15%) болған еді, яғни бір жылда 7 п.т. артты. ❗️Мәселе бюджеттен тыс көздерден келетін инвестициялар азайып кеткенінде емес. Алайда олардың өсімі мемлекеттік қазына есебінен қамтамасыз етілген инвестицияларға қарағанда бәсең болды. Номиналды түрде салыстырсақ: +12% және бірден +84% Бюджет есебінен мұндай қарқынды өсімқай бағыттарда байқалды? 👩🏻‍🏫 Ең алдымен білім беру саласында. Бұл бағыттағы бюджет қаражаты инфляцияны есепке алмағанда 5 есеге жуық өсті: 113,5 млрд теңгеден 554,6 млрд теңгеге дейін жеткен. Нәтижесінде, бюджет қаражаты бұл саладағы негізгі капиталға салынған инвестициялардың 90%-ын қамтамасыз етті (бір жыл бұрын 65% болған). 🚦Көлік және қоймалау саласы да елеулі үлес қосты. Мұнда бюджет есебінен инвестициялар 250,3 млрд теңгеден 440,6 млрд теңгеге дейін өсті. Ал бұл бағыттың жалпы инвестициялар ішіндегі үлесі 23%-дан 35%-ға дейінартқан. Жалпы алғанда, жартыжылдықты емес, жеке айларға назар аударсақ, 2024 жылдың ортасынан бері бюджет қаражатының жоғары үлесі тұрақты түрде сақталып келеді. 2024 жылғы маусымнан бастап бұл үлес тек бір рет, яғни осы жылдың қаңтарында ғана 20%-дан төмендеген, ол кезде 16% болған еді (жыл басында бұл көрсеткіш әдетте төмен болатын еді: соңғы 5 жылда, орта есеппен, 3% болған). ҚР СЖРА ҰСБ деректері @DataHub_KZ