Post #949

Айырбастау пункттеріндегі рубльдің нетто-сатылымы кезекті ең жоғары деңгейге жетті Маусымның қорытындысы бойынша айырбастау пункттері қолма-қол ресей рублін сату көлемінен 40,5 млрд теңгеге артық сатып алған. Бұл - 2020 жылғы қаңтардан бергі қолжетімді деректер тарихындағы жаңа рекорд. Ұлттық банктің деректері бойынша көрсеткіш мамырмен салыстырғанда бірден 14%-ға артқан. Халықтың қолма-қол рубльге таза сұранысы қатарынан жеті ай бойы теріс аймақта тұр - бұл кем дегенде 5,5 жылдан бергі ең ұзақ уақыт. Соңғы жеті айдың бесеуінде көрсеткіш тұрақты түрде -10 млрд теңгеден төмен болып отыр (бұрын бұл шекті мәннен аспаған еді). Айта кетейік, соңғы уақытта ҚР ҰБ есептейтін рубльдің орташа айлық бағамы өсіп келеді. Жалпы 2024 жылдың желтоқсанынан бері ол 29%-ға өсіп, 6,54 теңгеге дейін жетті. Ал маусым айын жеке алып қарасақ, айлық өсім 3%-ды құрап отыр. Басқа шетел валюталарының жайы қалай? Айырбастау пункттеріндегі қолма-қол АҚШ долларының нетто-сатылымы айлық (-32%) және жылдық (-26%) есепте де азайып, 109,4 млрд теңгеге дейін төмендеген. Бұл көрсеткіштің төмендеуі маусымда доллардың орташа айлық бағамының теңгеге қатысты айдан айға 0,6%-ға өсуі аясында орын алды. Маусымдағы көрсеткіші - 514,72 теңге. Бұл орайда теңгенің маусымдағы әлсіреуіне қатысты ресми түсініктемелер маусымдық факторлармен, соның ішінде демалыс маусымының басталуына байланысты халықтың долларға деген сұранысының артуымен байланысты болды. Ал халықтың қолма-қол еуроға таза сұранысы соңғы бес жылдан астам уақыт ішіндегі ең төменгі деңгейге жеткен - 1,1 млрд теңге. Алдыңғы аймен салыстырғанда сұраныс 12 есе, былтырғы жылдың дәл осы айымен салыстырғанда 18 есе төмендеген. Мұндай динамикаға еуроның орташа айлық бағамының айдан айға 3%-ға өсуі, яғни тарихи максимумға дейін жетуі әсер еткен - 592,05 теңге. @DataHub_KZ