Post #976

Қазақстандық банктер биржадан тыс нарықта рубль сатуды екі есеге арттырды Шілдеде мәмілелер көлемі 79,5 млрд рубльге* жетті. ҚР ҰБ деректеріне сүйенсек, бұл маусыммен салыстырғанда 2,2 есе көп. Соңғы он жылда бұдан жоғары деңгей тек екі рет тіркелген еді - 2022 жылдың сәуірінде және желтоқсанында - тиісінше 147,9 млрд және 99,7 млрд рубль. Алайда бұл көрсеткіштер "аналық ұйымнан қолдау алу шеңберінде жүргізілген операциялардың аяқталуын ескере отырып" есептелгенін атап өткен жөн. Жалпы алғанда, осы серпілістерге дейін қазақстандық банктердің биржадан тыс нарықта рубль сатудағы белсенділігі өте төмен болды деуге келеді - 2015 жылдың қаңтарынан 2022 жылдың наурызына дейінгі кезеңдегі орташа айлық көрсеткіш небәрі 1,4 млрд рубльді құрады. Жағдай өзгергеннен бері көрсеткіштің динамикасы тұрақсыз сипатқа ие болды. Алайда 2024 жылдың тамызынан бастап сәл жандану байқалады - ай сайынғы көлемдер тұрақты түрде 10 млрд рубльден аса бастады. Айта кететін жайт: рубль сатудың жандануы рубль сатып алудың артуынан кейін байқалды, соңғысының көлемі де айтарлықтай құбылып тұр. Бұған дейін қазанда 71,6 млрд теңгеге дейін күрт өскенін атап өткенбіз. Осыдан кейін ақпанда тағы бір өсім тіркелді - 63 млрд рубльге дейін. Екі жағдайда да негізгі көлем, 80%-дан астамы, резидент емес банктермен жасалған операцияларға тиесілі болды. Айтпақшы, шілдеде қазақстандық банктер сатқан рубльдің 75%-ын дәл сол резидент емес банктер сатып алған. *мәмілелердің орташа өлшемді бағамы бойынша қайта есептегенде - 536,8 млрд теңге @DataHub_KZ