Post #985

Астана өңірлерден келген тұрғындар легі бойынша рекорд орнатты Жарты жылдың қорытындысы бойынша өңірлерден елордаға жаңа тұрақты тұрғылықты жері ретінде келіп тіркелгендердің саны 80,4 мың адамды құрады, жылдан жылға 25%-ға өскен. ҚР СЖРА ҰСБ деректеріне сүйенсек, бұл - кем дегенде соңғы 15 жылдағы ең жоғары абсолютті көрсеткіш. Негізі, қаңтар-маусым айларының қорытындысы бойынша көрсеткіш жаңа психологиялық межеден асты - мұндай деңгей бұған дейін тіркелмеген. Оның үстіне, өсім жоғары база аясында байқалып отыр: бір жыл бұрын өңірлерден келіп, ресми түрде астаналық болғандар саны бірден 75%-ға артып, 64,5 мың адамды құраған еді. Осылайша Астана екі жыл қатарынан өңірлерден келген мигранттарды Алматыға қарағанда көбірек тартып отыр. Бұған дейінгі жылдары көбіне оңтүстік мегаполис алда болатын. Назар аудара кетейік, барлық өңірлер ішінде елордаға бағытталған халықтың ең көп кетуі күткендей Ақмола облысында байқалды - 14,5 мың адам. Одан кейін Түркістан облысы - 7,9 мың адам. Үшінші орында жоғарыда аталған Алматы - 7 мың адам. Бұл үш өңір бірігіп, Астанаға келген ішкі мигранттардың 37%-ын қамтамасыз етті. Дегенмен көшіп кеткендер де бар. Қаңтар-маусым аралығында елордалық тіркеуден шығып, өңірлерге тіркелгендер саны 43,6 мың адамды құрады. Олардың басым бөлігі жаңа тұрақты мекенжай ретінде Ақмола облысын (11,5 мың адам), Алматыны (5,7 мың адам) және Түркістан облысын (3,9 мың адам) таңдаған. Бұл жағдайда үш көшбасшы өңірдің жиынтық үлесі 48%-ды құрады. Нәтижесінде, өңірлерден Астанаға келгендердің таза саны (келгендерден кеткендерді алғанда) 36,8 мың адамды құрады. Бұл да Алматыға қарағанда көп, онда осы көрсеткіш 16,9 мың адамды құрады. Бір қызықты деректі қоса кетейік: сырттан келген иммигранттар, керісінше, Астанадан гөрі Алматыны таңдайды. Жарты жыл қорытындысы бойынша шетелден елордаға тұрақты тұруға келгендер саны 1 мың адам болса, Алматыда бұл көрсеткіш 1,8 мың адамды құрады. @DataHub_KZ