Post #996

Қарақұмық бағасы өсім көрсете бастады 12-19 тамыз аралығында ҚР бойынша өлшелмелі қарақұмық жармасының бағасы орта есеппен 1,6%-ға қымбаттады. Бұл - 2022 жылдың наурызының ортасынан бергі ең жоғары апталық өсім. Қарақұмық бағасының көтерілуі қатарынан жеті апта бойы жалғасып келеді және бұл соңғы үш жылдағы, 2022 жылдың тамыз-қыркүйегінен бері, ең ұзақ өсу кезеңі. Алайда 2023-2024 жылдары қарақұмық бағасы іс жүзінде қымбаттамағанын ескерген жөн (апталық статистикада бар-жоғы 8 ғана осындай жағдай тіркелген). Керісінше, 10 жағдайдың 9-да баға төмендеген. 2025 жылы да қарақұмық арзандаған еді, бірақ жиі емес - жылдың басынан бергі 33 аптаның ішінде тек 10 рет қана. Ал қымбаттауы 15 рет тіркелген. Осы динамиканы ескерсек, қазіргі баға бір жыл бұрынғыдан арзан болғанымен, 2025 жылдың басындағыдан қымбат болып отыр. 🖇2025 жылдың қаңтар-шілде айларында елімізде «қарақұмық жармасы мен ірі тартылған ұн» санаты бойынша өндіріс көлемі шамамен 18,6 мың тонна болды. Бұл көрсеткіш 2023 және 2024 жылдардағы осы кезеңдегіден жоғары. Ал импорт көлемін бағалау қиын: қарақұмық жармасына арналған жеке кедендік код жоқ, тек тұқымдық емес қарақұмыққа арналған код бар. Негізі, ресми статистикада есеп осы код бойынша жүргізіледі. Демек, бұл санатқа өңдеуге арналған дақыл да, дайын жарма да кіріп кетуі мүмкін. 🚚Дегенмен, ресми мәлімет бойынша, 2025 жылы Қазақстанға қарақұмық мүлде дерлік кіргізілмеген, тіпті өткен жыл бойы да бар болғаны 500 тонна шамасында ғана жеткізілген. Ал экспорт, керісінше, белсенді жүріп жатыр: бірінші жартыжылдықта экспортқа 9,4 мың тонна қарақұмық жіберілді, бұл - соңғы он жылдағы ең жоғары көрсеткіш әрі өткен жылдың осы айларымен салыстырғанда бірден 76%-ға көп. 📈Сонымен қатар ел ішіндегі ауыл шаруашылығы өндірушілерінде де қарақұмық бағасы көтеріле бастады. Шілдеде маусыммен салыстырғанда 1,1%-ға өскен және бұл 2022 жылдың жазынан бергі ең елеулі түрде қымбаттауы әрі ұзақ уақыт жалғасқан төмендеу үрдісін тоқтатты. Тағы бір қоса кететін жайт: биыл қарақұмық құнының арзандауының аясында егіс алқабы былтырмен салыстырғанда шамамен оннан бір бөлікке қысқарып, шамамен 92 мың га болды. Бұл да - соңғы бес жылдағы ең төменгі көрсеткіш. ҚР СЖРА ҰСБ деректері @DataHub_KZ