Post #165

Тәбиғәтебеҙҙе һаҡлау ни тиклем ҡыйын эш булғанын аңлатып китәйек. Ниндәйҙер түрәләрҙең власҡа ҡаршы бара алмауы – бер бәлә. Ләкин бынан тыш туҡтауһыҙ мәғлүмәти һөжүмдәр ҙә бара! Мәҫәлән, «Ҡырҡты, йәшә!» («Кыркты Живи») тигән каналды алайыҡ. Бер яҡтан, ул Әбйәлил халҡын яҡлаған кеүек. Ләкин төплөрәк ҡараһаҡ, канал шул уҡ ООО «Салаватское» йәмғиәтен яҡлай. Йәнәһе, баҡыр табыуы тәбиғәткә зыян килтермәйәсәк, бөтөн именлек саралары үтәләсәк тип иҫбат итергә тырышалар. Мәҫәлән, ошо видеола (https://t.me/kyrktyzhivi/672) Таһир Бахтигәрәев Өфөләге тикшеренеү үҙәгенән үҙенең «белгестәрен» күрһәтә; улар һирәк хайуан һәм үҫемлек төрҙәрен эҙләй икән. Ләкин был белгестәрҙең исемдәрен бер кем дә әйтмәй – бары тик «ике эксперт» тиелә! Шулай уҡ был каналда райондың күпселеге баҡыр табыу яҡлы тип иҫбат итәләр, ә ҡаршы сыҡҡандар, йәнәһе — ниндәйҙер украин боттары. Иң ҡыҙығы, был канал — киң билдәле майҙансыҡ, ләкин яҙылғандар аҫтында күп лайк та күҙәтелмәй, ниндәйҙер фекер алышыу ҙа бармай. Былар барыһы ла бик яһалма проектҡа оҡшаған. Маҡсат — беҙҙе юлдан яҙҙырып, беҙҙең дөйөм ҡаршылыҡты юҡҡа сығарыу.