Post #166

Июль башында Әбйәлил һәм Баймаҡ райондарында йәшәүселәр кеҫә телефоны бәйләнеше һәм интернеттың насар эшләүенән зарланды. Шул уҡ ваҡытта халыҡҡа урманға инеү тыйылды. Урман юлдарын полиция, соҡорҙар һәм шлагбаумдар менән ҡапланылар. Хакимиәттәр был хәлде “янғын хәүефе сәбәпле” тип аңлатты. Әммә ысынбарлыҡта барыһы ла ябай ғына булып сыҡты — был эшкә ерле халыҡ күптән ҡаршы сыҡһа ла, “маскалы кешеләр” ҡул аҫтында “Русская медная компания” эшселәре Ҡырҡытауҙа геологик тикшереү эштәрен башлаған. Бәйләнеш боҙолоуының ысын сәбәбе лә техник өҙөклөктәр түгел. Ышаныслы сығанаҡтар һөйләүенсә, 30 июндән 4 июлгә тиклем Ҡырҡытауға йәшерен тикшереү менән мәскәүҙән юғары дәрәжәле ҡунаҡтар килгән. Был хаҡта матбуғатта ла, рәсми сайттарҙа ла бер һүҙ юҡ. Мәғлүмәт таралыуҙан һаҡланыу һәм ҡунаҡтарҙың именлеген тәьмин итеү өсөн, хәкимиәт, бәйләнеште боҙоусы ҡоролмалар - “глушилка”лар ҡулланған.