Ербол Қарашөкеев

Құрметті жамбылдықтар! Ардақты ардагерлер мен тыл еңбеккерлері! Сіздерді ұлттың рухын асқақтатып, ел намысын айғақтайтын – Ұлы Жеңістің 80 жылдық мерейлі мерекесімен шын жүректен құттықтаймын! 9 мамыр – бейбіт өмірдің бағасын бағамдайтын, жанқияр ерлік пен құрбандарды еске алатын қасиетті күн. Бұл – тарихтың қатпарлы беттерінде өшпес із қалдырған, халқымыздың өр рухын, темірдей төзімін танытқан Ұлы Жеңіс күні! Сұрапыл соғыс талай тағдырды тәлкек етіп, сан жүрекке өшпес жара салды. Мыңдаған боздақ ұрыс даласында қаза тапты. Аналар қайғыдан қан жұтып, әйелдер тағдыр тауқыметін жалғыз көтерді, ал балалар жетімдіктің ащы дәмін татты. Бірақ халқымыз рухын жасыған жоқ, қайта қайсарлықпен күресіп, жеңіске жетті. Отан үшін от кешіп, кеудесін оққа тосқан ерлердің, тылда тынымсыз еңбек еткен жандардың жанқияр ерлігі – ешқашан ұмытылмайтын өнеге. Жамбыл жерінен майданға сан мыңдаған азамат аттанды. Олардың басым бөлігі шайқаста ерлікпен қаза тауып, талайы хабар-ошарсыз кетті. Бұл – елге адалдықтың, туған жерге деген сүйіспеншіліктің жарқын көрінісі. Өңірге аман-есен оралғандары түрлі салада жемісті еңбек етіп, еліміздің өсіп-өркендеуіне қомақты үлес қосты. Ерлік елге – мұра, ұрпаққа – ұран! Бүгінгі бейбіт өмір – сол боздақтардың қасық қаны, аналардың көз жасы, тыл еңбеккерлерінің төгілген маңдай терінің жемісі. Жылдар өткен сайын майдангерлеріміздің қатары сиреп барады. Мемлекет басшысы Қасым-Жомарт Кемелұлы Тоқаев атап өткендей, соғыста опат болған боздақтарымыздың рухына тағзым етіп, ардагерлерімізге лайықты құрмет көрсету – біздің перзенттік борышымыз. Батырларымыздың есімі, қаһармандық жолы – тарихтың алтын парағына мәңгілік жазылады. Ұлы Жеңіс – өткеннің естелігі ғана емес, келешекке жол көрсететін рухани бағдар. Ешкім де, ештеңе де ұмытылмайды! Ұлы Жеңіс рухы – елдің бірлігінде, ұрпақтың татулығында, бейбіт өмірдің берекесінде мәңгі жасайды. Баршаңызға амандық, отбасыларыңызға амандық пен шаттық, қастерлі Отанымызға тыныштық пен гүлдену тілеймін! Еліміздің іргесі берік, келешегі кемел болғай!

Қадірлі жамбылдықтар! Баршаңызды 7 мамыр – Отан қорғаушы күнімен шын жүректен құттықтаймын! Бұл – жүрегінде жалын, білегінде қайрат, бойында Отанға деген шексіз сүйіспеншілігі бар ерлердің, хас батырларлың мерекесі. Отан үшін қызмет ету – әр азаматтың қасиетті парызы, ең ұлы міндеті! Әскери қызмет тек мамандық емес, бұл – тағдыр мен жүрек таңдауы. Бұл – ерлікке, сабыр мен сертке, ұлта деген жанқиярлыққа негізделген қасиетті жол. Сарбаздар мен сардарлардың ерен еңбегі, ел мен жерге деген адалдығы – тыныштықтың кепілі. Бүгінде ержүрек қаһармандар ел шетіне жау тисе, етігімен су кешкен ата-бабалардың жолын жалғап, Қазақстанның бейбіт тіршілігін қорғап, Тәуелсіздіктің мызғымас тұғырын биіктетіп келеді. Ел Президенті Қасым-Жомарт Кемелұлы Тоқаев атап өткендей, әскер – мемлекеттің аса маңызды символы. Біз бейбіт күннің батырлары, еркіндіктің қорғаны, болашақтың қалқаны – әскери қызметшілерді мақтан тұтамыз! Сіздердің ерліктеріңіз – ұрпақа үлгі, елге медет! Қастерлі мерекеде баршаңызға зор денсаулық, отбасыларыңызға амандық, мызғымас рух, баянды бақ, сарқылмас жігер тілеймін! Қазақстан армиясының айбыны асқақ, еліміздің еңсесі биік, іргесі берік болсын! __ Уважаемые жамбылцы! Поздравляю вас с Днем защитника Отечества! Этот праздник символизирует глубокое уважение к тем, кто своей преданностью, отвагой и любовью к Родине олицетворяет подлинный патриотизм. Быть военным — значит посвятить себя служению Отечеству, приняв на себя ответственность за его безопасность и мирное будущее. Верность воинскому долгу, самоотверженность и отвага наших солдат и офицеров обеспечивают мир и стабильность в стране. Сегодняшнее поколение защитников Отечества достойно продолжает путь наших предков. Как отметил Президент страны Касым-Жомарт Кемелевич Токаев, армия является важнейшим символом государства. Мы гордимся нашими военнослужащими — героями мирного времени! Выражаю им благодарность за добросовестную службу, верность долгу! Желаю всем крепкого здоровья, благополучия и успехов! Мира и благополучия нашей стране!

Уважаемые жамбылцы! От всей души поздравляю вас с Днём единства народа Казахстана! Это особенный праздник, ставший символом мира, дружбы, солидарности и взаимопонимания. В Казахстане, где царят мир и согласие, представители разных этносов живут в гармонии под единым шаныраком, стремясь к общей цели, общим интересам и единому будущему. За 30 лет Ассамблея народа Казахстана стала надёжной гарантией межэтнического мира и согласия. За эти годы укрепились общественное согласие, единство и взаимопонимание — всё это стало результатом труда и усилий каждого гражданина нашей страны. Ассамблея народа Казахстана — наша гордость, а её будущее полно надежд! В своём выступлении на XXXIV сессии Ассамблеи народа Казахстана Глава государства Касым-Жомарт Токаев отметил: «Ассамблея выступает одной из институциональных опор нашей государственности. Поэтому и груз ответственности, возлагаемый на неё, с каждым днём растёт. Защита национальных интересов и укрепление суверенитета Казахстана — наш священный долг». Сегодня в Жамбылской области в мире и благополучии живут представители более 80 этносов, внося значительный вклад в укрепление национального единства и общественного согласия. По инициативе региональной Ассамблеи народа Казахстана и этнокультурных объединений реализуются различные мероприятия и благотворительные проекты. Дорогие земляки! Чтобы быть процветающей страной, нам необходимы единство и мир. В этот важный и значимый праздник желаю каждой семье благополучия, достатка и счастья! Пусть наша страна процветает, а единство народа будет незыблемым!

Құрметті жамбылдықтар! Баршаңызды мамырдың мамыражай мерекесі – Қазақстан халқының бірлігі күнімен шын жүректен құттықтаймын! Бұл күн – татулық пен достықтың, ынтымақ пен түсіністіктің символына айналған айрықша мереке. Ынтымағы жарасып, ырысы артқан елімізде бүгінде ұлттар мен ұлыстар бір мақсат, бір мүдде, ортақ болашаққа ұмтылып, киелі шаңырақ астында тату-тәтті өмір сүріп келеді. 30 жылдық белесті еңсерген Қазақстан халқы Ассамблеясы татулық пен тұрақтылықтың ұйытқысына айналды. Үш онжылдықта қоғамдық келісім нығайып, ұлттық бірлік пен ынтымақтастық тереңдеп, елімізде бейбітшілік пен келісім салтанат құрды. Бұл жетістіктер – әрбір қазақстандықтың қажырлы еңбегінің нәтижесі. Ассамблея – біздің мақтанышымыз, ал оның болашағы – бірлік пен үміттерге толы! Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының ХХХІV сессиясында сөйлеген сөзінде: «Ассамблея – мемлекеттігімізге арқау болған аса маңызды құрылым. Бұл – Ассамблеяға артылатын жүктің салмағы да жеңіл емес деген сөз. Ұлттық мүдделерімізді қорғап, егемендігімізді нығайту – қастерлі парыз», – деп атап өтті. Бүгінде ынтымағы жарасқан, татулықты ту еткен Жамбыл облысында 80-нен астам этностың өкілі бейбіт әрі берекелі ғұмыр кешіп, ел бірлігі мен қоғамдық келісімді нығайтуға сүбелі үлес қосып келеді. Бұл – өңіріміздің ең асыл қазынасы. Өңірлік Ассамблеяның, этно-мәдени бірлестіктердің бастамасымен түрлі мәдени іс-шаралар мен қайырымдылық жобалар жүзеге асырылып, халықтар арасындағы өзара түсіністік пен сенім күн санап нығаюда. Қадірлі жерлестер! Ел болу үшін – бірлік, бақ қону үшін – татулық керек. Ұрпақтар сабақтастығы үзілмей, өскелең буын осы ұлы құндылықтарды қадірлей білсе, ел ертеңі де еңселі болары анық. Мәні мен маңызы зор мерекеде әр шаңыраққа амандық, құт-береке, шаттық пен тату тіршілік тілеймін! Тамыры терең, рухы биік, бірлігі берекелі, тірлігі мерекелі еліміздің тұғыры нық, тәуелсіздігі баянды, бірлігі бекем болғай!

Қазақ әдебиетінің классигі, заңғар жазушы, Қазақстанның Еңбек Ері Әкім Тарази ағамыздың қазасын күйзеліспен қабылдадым. Саналы ғұмырын сөз өнеріне арнаған, әр шығармасы арқылы ұлт жады мен болмысын жаңғыртып, өмірдің өрелі биігіне көтерілген атпал азаматтың дүниеден озуы – күллі қазақ жұрты мен жамбылдықтар үшін орны толмас ауыр қаза. Дара тұлғаның өмірлік серігі, Мемлекеттік сыйлықтың иегері Роза Мұқанова апайымызға, ұл-қыздарына, жақын туыстарына қайғыра көңіл айтамын. Әкім Үртайұлы артына өшпес рухани мол мұра, мәңгілік өлмес ескерткіш қалдырды. Қаламынан туған рухани байлығы – ел есінде мәңгі сақталары анық. Әулиеата жұрты үшін Әкім ағамыздың орны ерекше. Осы қасиетті топырақта алғаш білім нәрімен сусындап, үлкен өмірдің белесіне өрлеген ол Жамбыл жерін әрдайым жүрек төрінде ұстап өтті. Марқұмның иманы саламат, жатқан жері жайлы, топырағы торқа болсын. Артында қалған ұрпағы мен туған-туыстарына ұзақ ғұмыр тілеймін.

ЕРЛІК БІЛЕКТЕ ЕМЕС, ЖҮРЕКТЕ Бүгін сын сәтте ерлік көрсетіп, елдің ыстық ықыласына бөленген тараздық мектеп оқушысы Қыдырәлі Қыздарбекпен кездестім. Ол өткен аптада облыс орталығында (Ұлы Дала шағынауданы) орын алған көпқабатты тұрғын үйдегі өрт кезінде батылдығымен көзге түсіп, жанашыр үлкендермен бірге балаларды құтқаруға атсалысқан. Оның адамгершілік пен табандылыққа негізделген бұл әрекеті – тек замандастарына ғана емес, тұтас қоғамға үлгі. Кездесуде ержүрек ұлға, оған қолдау білдірген сыныптастарына және рухы биік перзент тәрбиелеп өсірген ата-анасы мен ұстаздарына жамбылдықтардың атынан алғыс айтып, болашағына сәттілік тіледім. Сондай-ақ оқиға кезінде күш біріктіріп, азаматтық танытқан тұрғындар мен ТЖД қызметкерлеріне шынайы ризашылығымды білдіремін! Еліміз аман, аспанымыз ашық болсын!

Бүгін Жамбыл облысында инвестиция көлемі шамамен 1 трлн теңгені құрайтын екі ірі кәсіпорынның құрылысы басталды. Бұл ауқымды жобалардың жүзеге асуы — Мемлекет басшысы Қасым-Жомарт Тоқаевтың қолдауы мен инвестициялық тартымдылықты арттыруға ерекше көңіл бөлуінің нәтижесі. Шу ауданында Қытайдың жетекші металлургиялық компаниясы – Fujian Hengwang Investment Co., Ltd жылына 3 млн тонна болат өндіруге қауқарлы металлургия зауытын салады. Инвестиция көлемі — 564 млрд теңге. Бұл кәсіпорында шамамен 2,5 мың жаңа жұмыс орны ашылады. Темір рудасын терең өңдеудің толық циклі зауытта кезең-кезеңімен іске асады: бірінші кезеңде – 1 млн тоннаға дейін арматура, сым және бұрышты болат өндіріледі, екінші кезеңде – 2 млн тонна профилді және жолақты болат өнімдері шығарылады. Тағы бір ауқымды жоба — жүгеріні терең өңдейтін зауыттың құрылысы. Бұл жобаны биоөнімдер өндіру бойынша халықаралық жетекші компаниялардың бірі – Fufeng Group жүзеге асырады. Компания Орталық Азиядағы ең ірі жүгері өңдеу зауытын салуға 420 млрд теңге көлемінде инвестиция салуды жоспарлап отыр. Кәсіпорын толық қуатына шыққанда жылына 3 млн тоннаға дейін қосылған құны жоғары өнім — аминқышқылдары, крахмал және глюкоза өндіреді. Жоба құрылыс кезеңінде 6000 жұмыс орнын ашуға, ал пайдалануға берілгеннен кейін 1500 жұмыс орнын құруға мүмкіндік береді. Аталған зауыттардың іске қосылуы өңір экономикасына тың серпін беріп, сабақтас салалардың дамуына, экспорттық әлеуеттің артуына және жаңа жұмыс орындарының құрылуына ықпал етеді. _ Сегодня в Жамбылской области запущено строительство сразу двух успешных предприятий с объемом инвестиций порядка 1 трлн тенге. Реализация крупных проектов стала возможна благодаря поддержке Главы государства Касым-Жомарта Токаева и его особому вниманию вопросам повышения инвестиционной привлекательности. В Шуском районе ведущая металлургическая компания Китая Fujian Hengwang Investment Co., Ltd строит металлургический завод с производственной мощностью до 3 млн тонн в год. Объем инвестиций составит 564 млрд тенге. Будет создано 2,5 тыс. рабочих мест. Полный цикл глубокой переработки железной руды позволит на первом этапе произвести до 1 млн тонн арматуры, проволоки и угловой стали, а на втором – 2 млн тонн профильной и полосовой стали. Еще один крупный игрок — международный производитель биопродукции Fufeng Group — планирует вложить в строительство крупнейшего в Центральной Азии завода по глубокой переработке кукурузы 420 млрд тенге. При выходе на полную мощность предприятие может выпускать до 3 млн тонн продукции с высокой добавленной стоимостью – аминокислоты, крахмал, глюкозу. Проект обеспечит создание 6000 рабочих мест в период строительства и 1500 рабочих мест на стадии эксплуатации. Запуск заводов позволит создать прочную базу для развития смежных отраслей, увеличения экспортного потенциала региона и создания новых рабочих мест.