Ербол Қарашөкеев

Құрметті жамбылдықтар! Сіздерді барша мұсылман қауымы үшін ең қадірлі саналатын Ораза айт мейрамымен шын жүректен құттықтаймын! Ізгілік пен мейірімнің ұлық мерекесі әр отбасыға бақ-береке алып келсін! Айлардың сұлтаны – Рамазан айы мәресіне жетіп, Ораза айт мерекесімен тағы да қауышып отырмыз! Бұл күндері өткен өкпе-наз ұмытылып, бауырмашылдық пен қайырымдылық секілді игі қасиеттер арта түседі. Қадірлі ағайын! Қасиетті айда ұстаған оразаларыңыз, жасаған дұға-тілектеріңіз, құлшылық-ғибадаттарыңыз, қайырлы амалдарыңыз қабыл болғай! Әр отбасы шуаққа бөленіп, қуанышқа кенелсін! Іргеміз бүтін, бейбітшілігіміз мәңгілік болсын! Ораза айт құтты болсын!

Құрметті жамбылдықтар! Баршаңызды Ұлыстың ұлы күні – Наурыз мерекесімен шын жүректен құттықтаймын! Наурыз – жыл басы. Күн мен түн теңелетін, төрт-түлік төлдеп, ақ молаятын, тіршілік жаңарып, өмір жаңғыратын, ниет түзеліп, көңіл кеңейетін мезгіл. Бұл күні кеңпейіл, жомарт халқымыз салт-дәстүр мен ұлттық құндылықтарымызды кеңінен дәріптеп, ақ тілектері мен жылы лебіздерін жаудырып, ізгілік пен түсіністіктің жарқын үлгісін көрсетеді. Әз-Наурызда бір шаңырақ астында ұйысып, татулықты ту еткен ұлттар мен ұлыстар берекелі бірлігі мен мызғымас ынтымағын айғақтай түседі. Қадірлі жерлестер! Өздеріңізге белгілі, Мемлекет басшысының тапсырмасына сәйкес Наурыз жаңа сипатқа ие болды, мерейлі мерекенің мәні мазмұндала түсті. Өскелең ұрпақтың санасына сәуле шашып, нұр құюда терең рухани-мәдени мәнге толы мейрамның маңызы зор! Өңірде «Наурызнама» онкүндігі кең көлемде атап өтілді. Тұжырымдама аясында ынтымақ пен бірлік мұратын көздеген іс-шаралар жарасым тауып, жалғаса түсуде. Наурыз мерекесінде әр шаңыраққа шаттық, бақыт, бақ-береке, молшылық тілеймін! Ұлыстың ұлы күні баршаңызға құт әкелсін! Еліміздің ырысы еселеніп, ынтымағы нығая берсін! Өріс малға, үй жанға толсын! Ұлыс оң, ақ мол болсын! _ Дорогие жамбылцы! От чистого сердца поздравляю вас с праздником Наурыз! Этот светлый праздник отражает величие культуры и традиций нашего народа. Наурыз преображает все вокруг, наступает равноденствие, обновляется не только природа, но и вся жизнь. Возрождая древние традиции, в дни праздника мы проявляем внимание ближним, оказываем заботу и поддержку, адресуем друг другу добрые пожелания. Сегодня Наурыз является символом единения для всего многонационального народа Казахстана, доказавшего всему миру, что главное условие успешного его развития – единство и согласие. Дорогие земляки! Как вы все знаете, по поручению Главы государства праздник в нашей стране отмечается в новом формате и приобрел особое значение. Декада Наурызнама широко отмечается в нашем регионе. Наурызнама - это время, когда мы вспоминаем о важности единства и взаимопомощи, которое соединяет поколения и позволяет формировать новый культурный облик страны. Пусть Аз-Наурыз принесет каждой семье благополучие и стабильный доход, процветание и благоденствие! Ұлыс оң, ақ мол болсын!

Қымбатты жамбылдықтар! Баршаңызды көктемнің жаймашуақ мерекесі – Амал күнімен шын жүректен құттықтаймын! Тарихы тереңде жатқан бұл мейірім мерекесі – ұлтты бір ұяға ұйыстырып, халқымыздың салт-санасын бір арнаға тоғыстыруды көздейді. Амал күнінде ауыл-аймақ, ағайын арасындағы араздық, өкпе-реніш ұмытылып, көпшілік амандық-саулық сұрасады, қол алысады. Үлкенге құрмет, кішеге ізет көрсетіледі. Айдан аман, жылдан есен шығуларыңызбен! Амал келді – жыл келді! Берекелі бірлігімізге сызат түспей, Тәуелсіздігіміздің тұғыры биік, еліміздің егемендігі мәңгілік болсын!

Құрметті жамбылдықтар! Баршаңызды көктемнің алғашқы лебін ала келіп, қазақстандықтарды береке мен бірлікке, отансүйгіштікке үндейтін Алғыс айту күнімен шын жүректен құттықтаймын! Мейірімділіктің мерейлі мерекесінде Қазақстан халқы Ассамблеясының құрылғанына 30 жыл толып отыр. Осынау жылдар белесінде Қазақстан халқы Ассамблеясы бейбітшілік пен келісімді ту етіп, ел бірлігін бекемдей түсті. Жасампаз істердің жаршысына айналды. Биік белестерді бағындырды. Достық пен ынтымақтың ордасы Жамбыл облысында 87 этнос өкілдері өзара түсіністікте тату-тәтті күн кешіп, өңірдің дамуына сүбелі үлес қосуда. Ел басына күн туған шақтарда жұдырықтай жұмылып, сауапты істерден қалыс қалмады. Өткен жылдың өзінде 294 миллион 170 мың теңгеге қайырымдылық көмек көрсетті. Қадірлі жерлестер! Мемлекет басшысы Қасым-Жомарт Кемелұлы Тоқаев атап өткендей, елдігімізді қорғаудың басты жолы – берекелі бірлік. Бірлік, татулық пен тұрақтылық – бәрінен биік! Бағалай білмегенге бақ қонбайды. Сондықтан ең құнды, ең асыл қазынамыз – береке-бірлігімізді көздің қарашығындай сақтап, болашақ ұрпаққа аманаттау үшін бір жағадан бас, бір жеңнен қол шығара білуіміз керек. Ел игілігі жолындағы адал әрі қажырлы еңбектеріңізге толағай табыс тілей отырып, баршаңыздың дендеріңізге саулық, отбасыларыңызға амандық тілеймін! Діттеген мақсаттарыңызға жетіп, барлық арман-мұраттарыңыз орындалсын! Егемен еліміздің іргесі берік, керегесі кең, төрт құбыласы тең болсын! Мереке құтты болсын!

Қымбатты жамбылдықтар! Баршаңызды күллі мұсылман қауымы асыға күткен, қасиетті Рамазан айының басталуымен құттықтаймын! Рамазан - айлардың сұлтаны, уақыттың төресі. Бұл айда ниет пен амал үйлесім табады. Адамзат баласы рухани тазарып, жаман әдеттен жиреніп, көркем мінезді, ізгі қасиеттерді бойына сіңіреді. Жақсылық жасауға асығады. Дін мен дәстүр, тұрақтылық, татулық, заңдылық пен тәртіп салтанат құрса, ел іргесі берік, берекесі бекем, келешегі кемел болары анық. Сауаптар еселеніп жазылатын айда жасаған қайырлы амалдарыңыз, дұға-тілектеріңіз және ықыласпен ұстаған оразаларыңыз қабыл болсын! Шаңырақтарыңызға шаттық, босағаларыңызға бақыт, жүректеріңізге мейірім ұяласын! Тәуелсіздігіміз тұғырлы, елдігіміз мәңгі болғай! Оразадан оразаға аман-есен жете берейік!

Облысымыздың бірнеше аумақтарында ауа райының қолайсыздығына (қалың қар, боран, көк тайғақ) байланысты автомобиль жолдарының жекелеген учаскелері бойынша қозғалыс жабық күйінде қалып отыр. Жабық аумақтарда 627 жүк және 573 жеңіл автомобиль, сондай-ақ, 15 жолаушылар автобусы (200 адам, оның ішінде 10 бала) жиналған. Жолда қалған жүргізушілер мен жолаушыларға барлық қажетті көмек көрсетілуде. Олар ыстық тамақ пен сусынмен қамтамасыз етілуде. Бұл шараларға барлығы 71 қызметкер мен 45 бірлік техника жұмылдырылды. Шақпақ ата, Б.Момышұлы, Нұрлыкент, Айша бибі ауылдарында 6 жылыту пункті ашылды. Оларға орналасуға ешқандай өтініш түспеді. Сағат 12: 00-де Жамбыл ауданы Айша бибі ауылынан 10 автобуспен жолаушыларды Тараз қаласының теміржол вокзалына жеткізу ұйымдастырылды. Қиын жағдайға тап болған 377 жолаушы жедел түрде теміржол қатынасымен тиісті бағыттарға жөнелтілді. Жуалы ауданында бүгін қатты желдің салдарынан 18 елді мекенде (барлығы 5127 абонент) электрмен жабдықтаудың авариялық ажыратылуы орын алды. Қалпына келтіру жұмыстарына «ЖЭС» ЖШС (25 адам және 5 адам) тарапынан тиісті мамандар жұмылдырылуда. 22 қаңтарда дауыл туралы ескерту жарияланған. Тараз қаласы және бірқатар аудандарда оқушылар қашықтықтан оқытуға ауыстырылды. Коммуналдық қызметтер күшейтілген режимде жұмыс істеуде. Құрметті жамбылдықтар! Сіздерден барынша қауіпсіздік шараларын сақтауды және аса қажет болмаған жағдайда алыс жолға шықпауды сұраймыз! Сондай-ақ қозғалысқа шектеу енгізілген жолдар бойынша ресми ақпараттарды назарға алуға шақырамыз! _ В Жамбылской области из-за ухудшения погодных условий (снег, метель и гололед) остаются закрытыми для движения отдельные участки автомобильных дорог. На закрытых участках скопились 627 грузовых и 573 легковые машины, также 15 пассажирских автобусов в которых находятся 200 человек, в том числе 10 детей. Застрявшим в пути водителям и пассажирам оказывается вся необходимая помощь. Их обеспечивают горячим питанием и питьем. Всего задействованы 71 сотрудник и 45 ед. техники. Развернуты 6 пунктов обогрева в селах Шакпак ата, Б. Момышулы, Нурлыкент, Айша биби. Обратившихся нет. В 12:00 ч. из села Айша биби Жамбылского района в железнодорожный вокзал г. Тараз выехали 10 автобусов с пассажирами. 377 пассажиров, оказавшихся в затруднительном положении, перенаправлены на железнодорожное сообщение. В Жуалынском районе сегодня днем из-за сильного ветра произошло аварийное отключение электроснабжения в 18-ти населенных пунктах (всего 5127 абонентов). Восстановительные работы проводятся силами ТОО «ЖЭС» (25 чел. и 5 тех). 22 января объявлено штормовое предупреждение. В Таразе и в ряде районов школьников второй смены перевели на дистанционку. Работники коммунальных служб работают в усиленном режиме. Уважаемые жамбылцы! Просим соблюдать меры безопасности и воздержаться от поездок на дальние расстояния без крайней необходимости, также рекомендуем заранее уточнять информацию о конкретных участках дорог, на которых введено ограничение движения.