Post #508

Сөйтіп еуросапар аяқталды. Рома әсері ұзаққа жететін болды. Алдын ала дұрыс жоспарламай, кіргім келген жердің ешқайсына кіре алмай кеттім. Тек сыртынан тамашалап, келесі жолы ақылдырақ болам деп кеттім. Билетті алдын ала алып қоймаған соң, сол енді. Пантеон, Уәли Петр базилигі, Колизей, Форум, Медичилер сарайы, Сан Анжело, Венециядағы Уәли Марко бәрі келесі жолға қалды. Венеция өте әдемі. Бірақ Романың сәулеті көбірек ұнады. Әр турист бір көруге тиіс деген ғимараттар бір-біріне жақын, бір-екі күнде жаяу аралап шығуға болады екен. Метромен бір басынан түсіп алсаң, екінші басына дейін жаяу шығасың. Рома Венециядан арзанырақ екен. Империя болған кезінде әлемді тонап, бар жиғанын ғимарат, қала салуға құйып тастапты. Жарықтықтар өздері білмей ұзақ мерзімді инвестиция құйып тастаған. Енді содан жылына млрдтар тауып отыр. Билеттен бөлек Інжіл мен тарихты, мәдениеттануды қопарып келу керек енді. Сәулеті тұнып тұрған інжіл, аңыз, тарих. Оларды білмесең, жай әдемі сурет пен мүсін тамашалап қайтасың