@Chilonzor_tuman_hokimligi · Post #81918 · 2026. 03. 19. PM 04:20
#Chilonzor #RamazonHayiti #Masjidlar #O‘rganish #Obodonlashtirish#Sanitariya#Xavfsizlik#Toshkent Chilonzorda Ramazon hayiti namozi oldidan masjidlar holati o‘rganildi Chilonzor tumani hokimi Saidqahhor Xolxo‘jayev boshchiligida mas’ul mutasaddilar tomonidan ertaga Ramazon hayiti namozi o‘qiladigan masjidlar holati o‘rganildi. O‘rganishlar jarayonida masjidlardagi kommunal tizimlarning ishlash holati, jumladan, elektr ta’minoti, suv va boshqa infratuzilma tarmoqlarining uzluksiz faoliyati alohida nazoratdan o‘tkazildi. Shuningdek, masjidlar atrofidagi hududlar, piyodalar yo‘laklari va yo‘llarning sanitariya holati ko‘zdan kechirilib, ularni tartibga keltirish bo‘yicha tegishli topshiriqlar berildi. Mas’ullarga bayram kuni fuqarolar uchun qulay va xavfsiz sharoitlar yaratish, tartib-intizomni ta’minlash hamda xizmatlar faoliyatini muvofiqlashtirish yuzasidan aniq vazifalar yuklatildi. @Chilonzor_tuman_hokimligi