BFAUZ

✍️O‘zbekiston Bank-moliya akademiyasi tinglovchilari Ozarbayjonga kuzatildi 🎓Ma’lumki, joriy yilning aprel oyida O‘zbekiston Bank-moliya akademiyasida Ozarbayjon davlat iqtisodiyot universiteti - UNECda 2026 yilning 11–17 may kunlari o‘tkaziladigan xalqaro qisqa muddatli o‘quv dasturida ishtirok etish uchun tinglovchilar o‘rtasida saralash jarayonlari tashkil etilgan edi. 📗Suhbat va tanlov asosida bilimli, faol va tashabbuskor tinglovchilar saralab olindi. Bugun akademiyada mazkur xalqaro dasturda ishtirok etuvchi tinglovchilarni Ozarbayjon Respublikasiga kuzatish tadbiri bo‘lib o‘tdi. Tadbirda akademiya rahbariyati, professor-o‘qituvchilar, yosh tadqiqotchilar hamda tinglovchilar ishtirok etdi. 📍Ta’kidlanganidek, mazkur xalqaro o‘quv dasturi tinglovchilar uchun nafaqat yangi bilim va ko‘nikmalarni egallash, balki xalqaro ta’lim muhiti, ilg‘or xorijiy tajriba va zamonaviy iqtisodiy yondashuvlar bilan yaqindan tanishish imkonini ham yaratadi. Shuningdek, ishtirokchilar moliyaviy texnologiyalar, raqamli iqtisodiyot va zamonaviy boshqaruv mexanizmlari bo‘yicha amaliy bilimlarini mustahkamlash imkoniyatiga ega bo‘ladilar. 📚Kuzatish tadbirida yoshlarga xalqaro maydonda mamlakatimiz sharafini munosib himoya qilish, ta’lim jarayonlarida faol ishtirok etish va orttirilgan bilim hamda tajribalarni kelgusida yurtimiz bank-moliya sohasi taraqqiyoti yo‘lida samarali qo‘llash bo‘yicha ezgu tilaklar bildirildi. Ma’lumot uchun, dastur 7 kun davom etadi. Uning doirasida o‘quv mashg‘ulotlari, amaliy seminarlar, ilmiy uchrashuvlar, universitet faoliyati bilan tanishuv va madaniy sayohatlar tashkil etilishi rejalashtirilgan. 📖Bugungi kunda O‘zbekiston Bank-moliya akademiyasida xalqaro hamkorlikni kengaytirish, tinglovchilarning global bilim va tajribalardan samarali foydalanish imkoniyatlarini oshirish, shuningdek, raqobatbardosh va zamonaviy kadrlarni tayyorlash borasida izchil ishlar amalga oshirilmoqda. ✍️Ўзбекистон Банк-молия академияси тингловчилари Озарбайжонга кузатилди 🎓Маълумки, жорий йилнинг апрель ойида Ўзбекистон Банк-молия академиясида Озарбайжон давлат иқтисодиёт университети - UNECда 2026 йилнинг 11–17 май кунлари ўтказиладиган халқаро қисқа муддатли ўқув дастурида иштирок этиш учун тингловчилар ўртасида саралаш жараёнлари ташкил этилган эди. 📗Суҳбат ва танлов асосида билимли, фаол ва истиқболли тингловчилар саралаб олинди. Бугун академияда мазкур халқаро дастурда иштирок этувчи тингловчиларни Озарбайжон Республикасига кузатиш тадбири бўлиб ўтди. Тадбирда академия раҳбарияти, профессор-ўқитувчилар, ёш тадқиқотчилар ҳамда тингловчилар иштирок этди. 📍Таъкидланганидек, мазкур халқаро ўқув дастури тингловчилар учун нафақат янги билим ва кўникмаларни эгаллаш, балки халқаро таълим муҳити, илғор хорижий тажриба ва замонавий иқтисодий ёндашувлар билан яқиндан танишиш имконини ҳам яратади. Шунингдек, иштирокчилар молиявий технологиялар, рақамли иқтисодиёт ва замонавий бошқарув механизмлари бўйича амалий билимларини мустаҳкамлаш имкониятига эга бўладилар. 📚Кузатиш тадбирида ёшларга халқаро майдонда мамлакатимиз шарафини муносиб ҳимоя қилиш, таълим жараёнларида фаол иштирок этиш ва орттирилган билим ҳамда тажрибаларни келгусида юртимиз банк-молия соҳаси тараққиёти йўлида самарали қўллаш бўйича эзгу тилаклар билдирилди. Маълумот учун, дастур 7 кун давом этади. Унинг доирасида ўқув машғулотлари, амалий семинарлар, илмий учрашувлар, университет фаолияти билан танишув ва маданий саёҳатлар ташкил этилиши режалаштирилган. 📖Бугунги кунда Ўзбекистон Банк-молия академиясида халқаро ҳамкорликни кенгайтириш, тингловчиларнинг глобал билим ва тажрибалардан самарали фойдаланиш имкониятларини ошириш, шунингдек, рақобатбардош ва замонавий кадрларни тайёрлаш борасида изчил ишлар амалга оширилмоқда. 👉Хабарни яқинларингизга ҳам улашинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

#BFA_BMA_30_yoshda ✍️30 yillik tajriba asosida kelajak sari qadam 🔰Xabaringiz bor joriy yilning 30-aprel kuni O‘zbekiston Bank-moliya akademiyasi tashkil etilganining 30 yilligi munosabati bilan moliya-bank sohasida zamonaviy tendensiyalar, raqamli transformatsiya, barqaror iqtisodiy o‘sish va xalqaro hamkorlikni rivojlantirishga bag‘ishlangan xalqaro konferensiya o‘tkazilgan edi. ❗️Mazkur yubiley konferensiyasi akademiyaning bosib o‘tgan yo‘li, erishgan yutuqlari va istiqboldagi ustuvor vazifalarini muhokama qilish uchun muhim maydonga aylandi. ✍️30 йиллик тажриба асосида келажак сари қадам 🔰Хабарингиз бор жорий йилнинг 30-апрель куни Ўзбекистон Банк-молия академияси ташкил этилганининг 30 йиллиги муносабати билан молия-банк соҳасида замонавий тенденциялар, рақамли трансформация, барқарор иқтисодий ўсиш ва халқаро ҳамкорликни ривожлантиришга бағишланган халқаро конференция ўтказилган эди. ❗️Мазкур юбилей конференцияси академиянинг босиб ўтган йўли, эришган ютуқлари ва истиқболдаги устувор вазифаларини муҳокама қилиш учун муҳим майдонга айланди. 👉Яқинларингизга ҳам улашинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

#O‘rgan_o‘zgartir_yetakchi_bo‘l #Ўрган_ўзгартир_етакчи_бўл ✍️2026 qabul: Kelajak liderlari Bank-moliya akademiyasida tayyorlanadi 🎓Har bir qo‘lga kiritilgan muvaffaqiyat — to‘g‘ri qabul qilingan qarordan boshlanadi. Sizning kelajagingiz-chi? U qanday bo‘lishini bugunoq tanlang. Biz sizga yo‘l ko‘rsatamiz? Xo‘sh siz yirik kompaniyalarda moliyaviy qaror qabul qiladigan malakali mutaxassis bo‘lishni istaysizmi? Yoki bank, sug‘urta, investitsiya sohasida muvaffaqiyatli karyera qurishni rejalashtiryapsizmi? Unda imkoniyatni qo‘ldan boy bermang! Bank-moliya akademiyasi magistraturasiga 2026 yil uchun qabul davom etmoqda. Master of Science (MSc) magistratura mutaxassisliklari: ✅ 70410502 – Korporativ moliya va qimmatli qog‘ozlar bozori; ✅ 70410301 – Soliqlar va soliqqa tortish; ✅ 70410501 – Moliya; ✅ 70410505 – Sugʻurta kompaniyalarini boshqarish; ✅ 70410601 – Bank ishi; ✅ 70410506 – Davlat moliyaviy nazorati va auditi; ✅ 70410508 - Iqtisodiyotni monetar tartibga solish; ✅ 70410802 – Loyiha boshqaruvi . Bu — oddiy ta’lim emas. Bu — sizni kelajak liderga aylantiradigan bilim va tajriba maktabi. 👉Eng qulayi — hujjat topshirish uchun ishxonadan yoki avvora bo‘lib uydan chiqish shart emas! Barchasi onlayn tarzda admission.bfa.uz platformasi orqali amalga oshiriladi. 🗣 Shoshiling! Qabul 2026-yil 20-maygacha davom etadi. ❗️Eslatib o‘tamiz. Faqatgina Loyiha boshqaruvi yo‘nalishi barcha sohalar bitiruvchilari uchun ochiq. Qolgan yo‘nalishlar esa iqtisodiyot sohasida bilimga ega bo‘lganlar uchun mo‘ljallangan. Batafsil ma’lumot olish uchun ijtimoiy tarmoqlardagi sahifalarimizni kuzatib boring ☎️ +998 55 515 54 23 [email protected] ✍️2026 қабул: Келажак лидерлари Банк-молия академиясида тайёрланади 🎓Ҳар бир қўлга киритилган муваффақият — тўғри қабул қилинган қарордан бошланади. Сизнинг келажагингиз-чи? У қандай бўлишини бугуноқ танланг. Биз сизга йўл кўрсатамиз? Хўш сиз йирик компанияларда молиявий қарор қабул қиладиган малакали мутахассис бўлишни истайсизми? Ёки банк, суғурта, инвестиция соҳасида муваффақиятли карьера қуришни режалаштиряпсизми? Унда имкониятни қўлдан бой берманг! 📖Банк-молия академияси магистратурасига 2026 йил учун қабул давом этмоқда. Master of Science (MSc) магистратура мутахассисликлари: ✅ 70410502 – Корпоратив молия ва қимматли қоғозлар бозори; ✅ 70410301 – Солиқлар ва солиққа тортиш; ✅ 70410501 – Молия; ✅ 70410505 – Суғурта компанияларини бошқариш; ✅ 70410601 – Банк иши; ✅ 70410506 – Давлат молиявий назорати ва аудити; ✅ 70410508 - Иқтисодиётни монетар тартибга солиш; ✅ 70410802 – Лойиҳа бошқаруви . 👉 Энг қулайи — ҳужжат топшириш учун ишхонадан ёки аввора бўлиб уйдан чиқиш шарт эмас! Барчаси онлайн тарзда admission.bfa.uz platformasi орқали амалга оширилади. Бу — оддий таълим эмас. Бу — сизни келажак лидерга айлантирадиган билим ва тажриба мактаби. 🗣 Шошилинг! Қабул 2026-йил 20-майгача давом этади. ❗️Эслатиб ўтамиз. Фақатгина Лойиҳа бошқаруви йўналиши барча соҳалар битирувчилари учун очиқ. Қолган йўналишлар эса иқтисодиёт соҳасида билимга эга бўлганлар учун мўлжалланган. ☎️ +998 55 515 54 23 [email protected] 👉Ижтимоий тармоқлардаги саҳифаларимизни кузатиб боринг! 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

#Turkiya #Туркия #Ўрган_ўзгартир_етакчи_бўл ✍️Turkiyadagi o‘quvlar davom etmoqda: ikkinchi kun qizg‘in mulohazalarga boy bo‘ldi 📖Avval xabar berganimizdek, O‘zbekiston Bank-moliya akademiyasi tinglovchilari Turkiya Respublikasida tashkil etilgan “Islom moliyasi bo‘yicha o‘quv dasturi”da faol ishtirok etmoqda. Turkiya Respublikasi Markaziy banki hamda O‘zbekiston Bank-moliya akademiyasi hamkorligida tashkil etilgan ushbu dasturning ikkinchi kuni ham qizg‘in muhokamalarga boy bo‘ldi. 📍O‘quv mashg‘ulotlari nazariy va amaliy bilimlar asosida interaktiv shaklda tashkil etilib, har bir tinglovchining faol ishtiroki ta’minlandi. Xususan, islom moliyasining zamonaviy rivojlanish tendensiyalari, global moliya bozorlaridagi o‘rni hamda uning an’anaviy moliya tizimi bilan uyg‘unlashuv jihatlari yuzasidan atroflicha fikr almashildi. Tinglovchilar tomonidan berilgan savollar va bildirilgan mulohazalari asosida bilim va ko‘nikmalarining oshishiga xizmat qildi. 🇨🇳Turkiya Respublikasi Markaziy bankining tajribali mutaxassislari mashg‘ulotlarda islom moliyaviy instrumentlarining amaliy qo‘llanilishi to‘g‘risida batafsil ma’lumot berdilar. Qizg‘in muhokamalarda Turkiya misolida sukuk (islom obligatsiyalari), islomiy sug‘urta (takoful) va boshqa zamonaviy moliyalashtirish vositalari qanday joriy etilgani va samarali ishlayotgani batafsil tahlil qilindi. Amaliy keyslar asosida olib borilgan tahlillar ishtirokchilarning tahliliy fikrlash ko‘nikmalarini rivojlantirishga xizmat qildi. ❗️Umuman olganda, o‘quv dasturi yuqori saviyada tashkil etilgani, ma’ruzalarning mazmunan boyligi bilan alohida ajralib turdi. Bu esa tinglovchilarga islom moliyasi sohasidagi bilim va ko‘nikmalarini yanada mustahkamlash, xalqaro tajribani chuqur o‘zlashtirish imkonini berdi. ✍️Туркиядаги ўқувлар давом этмоқда: иккинчи кун қизғин мулоҳазаларга бой бўлди 📖Аввал хабар берганимиздек, Ўзбекистон Банк-молия академияси тингловчилари Туркия Республикасида ташкил этилган “Ислом молияси бўйича ўқув дастури”да фаол иштирок этмоқда. Туркия Республикаси Марказий банки ҳамда Ўзбекистон Банк-молия академияси ҳамкорлигида ташкил этилган ушбу дастурнинг иккинчи куни ҳам қизғин муҳокамаларга бой бўлди. 📍Ўқув машғулотлари назарий ва амалий билимлар асосида интерактив шаклда ташкил этилиб, ҳар бир тингловчининг фаол иштироки таъминланди. Хусусан, ислом молиясининг замонавий ривожланиш тенденциялари, глобал молия бозорларидаги ўрни ҳамда унинг анъанавий молия тизими билан уйғунлашув жиҳатлари юзасидан атрофлича фикр алмашилди. Тингловчилар томонидан берилган саволлар ва билдирилган мулоҳазалари асосида билим ва кўникмаларининг ошишига хизмат қилди. 🇨🇳Туркия Республикаси Марказий банкининг тажрибали мутахассислари машғулотларда ислом молиявий инструментларининг амалий қўлланилиши тўғрисида батафсил маълумот бердилар. Қизғин муҳокамаларда Туркия мисолида сукук (ислом облигациялари), исломий суғурта (такофул) ва бошқа замонавий молиялаштириш воситалари қандай жорий этилгани ва самарали ишлаётгани батафсил таҳлил қилинди. Бу эса иштирокчиларга назарий билимларни мустаҳкамлаш билан бирга, халқаро тажрибани чуқурроқ англаш имконини берди. Амалий кейслар асосида олиб борилган таҳлиллар иштирокчиларнинг таҳлилий фикрлаш кўникмаларини ривожлантиришга хизмат қилди. ❗️Умуман олганда, ўқув дастури юқори савияда ташкил этилгани, маърузаларнинг мазмунан бойлиги билан алоҳида ажралиб турди. Бу эса тингловчиларга ислом молияси соҳасидаги билим ва кўникмаларини янада мустаҳкамлаш, халқаро тажрибани чуқур ўзлаштириш имконини берди. #Ўрган_ўзгартир_етакчи_бўл 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

#O‘rgan_o‘zgartir_yetakchi_bo‘l #Ўрган_ўзгартир_етакчи_бўл ✍️ Amaliyot bilan uyg‘un ta’lim — raqobatbardosh kadrlar tayyorlash garovi 🎓Bugungi global raqobat sharoitida ta’lim tizimi oldida turgan eng muhim vazifalardan biri — nazariya va amaliyot uyg‘unligini ta’minlashdir. Ana shu maqsadda Bank-moliya akademiyasi tinglovchilari uchun navbatdagi sayyor dars tashkil etildi. Unda magistratura bosqichida tahsil olayotgan MBA-B-25-01, MBA-F-25-01 va MBA-G-25-01 guruhlaridan jami 43 nafar tinglovchi ishtirok etib, o‘z bilimlarini real ishlab chiqarish muhitida sinab ko‘rish imkoniyatiga ega bo‘ldilar. 📚Sayyor mashg‘ulotlar Toshkent shahri Uchtepa tumanida joylashgan Textime korxonasida tashkil etildi. “Strategik menejment” fani doirasida o‘tkazilgan mashg‘ulotlarda dolzarb mavzular qamrab olindi. Xususan, “Korporativ madaniyat va liderlik — strategiyani samarali amalga oshirish vositasi” mavzusidagi mashg‘ulotda tashkilot muvaffaqiyatida korporativ qadriyatlar va samarali rahbarlikning o‘rni keng yoritildi. Shu bilan birga, “Tarmoq xususiyati asosida strategiyani ishlab chiqish” mavzusidagi amaliy mashg‘ulotda ishtirokchilar bozor sharoitini tahlil qilish, raqobat muhitini baholash hamda strategik qarorlar qabul qilish jarayonlarini korxona misolida o‘rgandilar. 🌠Ayniqsa, mashg‘ulotlarning ishlab chiqarish muhitida o‘tkazilgani tinglovchilar uchun katta tajriba maktabi bo‘ldi. Ular korxonaning ichki boshqaruv jarayonlari, ishlab chiqarish bosqichlari hamda strategik rejalashtirish usullari bilan yaqindan tanishdilar. Bunday amaliy yondashuv, shubhasiz, tinglovchilarning strategik fikrlashini yuksaltirish, ularni real iqtisodiy sharoitlarda samarali qaror qabul qilishga tayyorlashda muhim ahamiyat kasb etadi. ❗️Xulosa qilib aytganda, mazkur tashabbus ta’lim jarayonini yanada takomillashtirish, magistrantlarning amaliy bilim va ko‘nikmalarini oshirish, ularni kelgusidagi kasbiy faoliyatga puxta tayyorlashda muhim qadam bo‘lib xizmat qiladi. ✍️Амалиёт билан уйғун таълим — рақобатбардош кадрлар тайёрлаш гарови 🎓Бугунги глобал рақобат шароитида таълим тизими олдида турган энг муҳим вазифалардан бири — назария ва амалиёт уйғунлигини таъминлашдир. Ана шу мақсадда Банк-молия академияси тингловчилари учун навбатдаги сайёр дарс ташкил этилди. Унда магистратура босқичида таҳсил олаётган MBA-B-25-01, MBA-F-25-01 ва MBA-G-25-01 гуруҳларидан жами 43 нафар тингловчи иштирок этиб, ўз билимларини реал ишлаб чиқариш муҳитида синаб кўриш имкониятига эга бўлдилар. 📚Сайёр машғулотлар Тошкент шаҳри Учтепа туманида жойлашган “Textime” корхонасида ташкил этилди. “Стратегик менежмент” фани доирасида ўтказилган машғулотларда долзарб мавзулар қамраб олинди. Хусусан, “Корпоратив маданият ва лидерлик — стратегияни самарали амалга ошириш воситаси” мавзусидаги машғулотда ташкилот муваффақиятида корпоратив қадриятлар ва самарали раҳбарликнинг ўрни кенг ёритилди. Шу билан бирга, “Тармоқ хусусияти асосида стратегияни ишлаб чиқиш” мавзусидаги амалий машғулотда иштирокчилар бозор шароитини таҳлил қилиш, рақобат муҳитини баҳолаш ҳамда стратегик қарорлар қабул қилиш жараёнларини корхона мисолида ўргандилар. 🌠Айниқса, машғулотларнинг ишлаб чиқариш муҳитида ўтказилгани тингловчилар учун катта тажриба мактаби бўлди. Улар корхонанинг ички бошқарув жараёнлари, ишлаб чиқариш босқичлари ҳамда стратегик режалаштириш усуллари билан яқиндан танишдилар. Бундай амалий ёндашув, шубҳасиз, тингловчиларнинг стратегик фикрлашини юксалтириш, уларни реал иқтисодий шароитларда самарали қарор қабул қилишга тайёрлашда муҳим аҳамият касб этади. ❗️Хулоса қилиб айтганда, мазкур ташаббус таълим жараёнини янада такомиллаштириш, магистрантларнинг амалий билим ва кўникмаларини ошириш, уларни келгусидаги касбий фаолиятга пухта тайёрлашда муҳим қадам бўлиб хизмат қилади. 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️Xorijiy stajirovka bo‘yicha navbatdagi grant loyihasining saralash bosqichi boshlandi O‘zbekiston Respublikasi Bank-moliya akademiyasi hamda Koreya Respublikasining Handong Global universiteti hamkorligida tashkil etilgan “2026 BFA G-BEX KOREA ORIENTATION” stajirovka dasturi doirasida xorijiy amaliyot uchun navbatdagi grant tanlovi o‘tkazildi. Jarayonda talabgorlar o‘z ilmiy-amaliy ishlanmalari yuzasidan ingliz tilida taqdimot qilib, xalqaro mutaxassislardan iborat hakamlar hay’ati oldida chiqish qildi. Saralash jarayoni Janubiy Koreyaning Handong Global Universiteti professori, Menejment va iqtisodiyot maktabi vakili, UNESCO UNITWIN loyihalari ijrochi direktori Dr. Jinwon Ahn boshchiligidagi nufuzli xalqaro ekspertlar ishtirokida o‘tkazildi. Xalqaro mutaxassislar har bir ishni ilmiy-nazariy asoslanganligi, amaliy ahamiyati va taqdimot qilish mahorati kabi mezonlar bo‘yicha baholadilar. Tanlov natijalariga ko‘ra grant sovrindori deb topilgan tinglovchilar 2026 yil oktyabr oyida Koreya Respublikasida bo‘lib o‘tadigan xorijiy stajirovkada ishtirok etish imkoniyatiga ega bo‘ladilar. Bu dastur orqali ular moliya, menejment, raqamli iqtisodiyot va xalqaro hamkorlik sohalaridagi ilg‘or tajribalar bilan yaqindan tanishadilar. Mazkur tashabbus Bank-moliya akademiyasi va Handong Global universiteti o‘rtasidagi uzviy hamkorlik doirasida amalga oshirilayotgan navbatdagi ilmiy-amaliy loyiha bo‘lib, yosh tadqiqotchilarning xalqaro akademik maydonda faol ishtirokini ta’minlashga xizmat qiladi. ✍️Хорижий стажировка бўйича навбатдаги грант лойиҳасининг саралаш босқичи бошланди Ўзбекистон Республикаси Банк-молия академияси ҳамда Корея Республикасининг Ҳандонг Глобал университети ҳамкорлигида ташкил этилган “2026 BFA G-BEX KOREA ORIENTATION” стажировка дастури доирасида хорижий амалиёт учун навбатдаги грант танлови ўтказилди. Жараёнда талабгорлар ўз илмий-амалий ишланмалари юзасидан инглиз тилида тақдимот қилиб, халқаро мутахассислардан иборат ҳакамлар ҳайъати олдида чиқиш қилди. Саралаш жараёни Жанубий Кореянинг Handong Глобал Университети профессори, Менежмент ва иқтисодиёт мактаби вакили, UNESCO UNITWIN лойиҳалари ижрочи директори Dr. Jinwon Ahn бошчилигидаги нуфузли халқаро экспертлар иштирокида ўтказилди. Халқаро мутахассислар ҳар бир ишни илмий-назарий асосланганлиги, амалий аҳамияти ва тақдимот қилиш маҳорати каби мезонлар бўйича баҳоладилар. Танлов натижаларига кўра грант совриндори деб топилган тингловчилар 2026 йил октябр ойида Корея Республикасида бўлиб ўтадиган хорижий стажировкада иштирок этиш имкониятига эга бўладилар. Бу дастур орқали улар молия, менежмент, рақамли иқтисодиёт ва халқаро ҳамкорлик соҳаларидаги илғор тажрибалар билан яқиндан танишадилар. Мазкур ташаббус Банк-молия академияси ва Handong Глобал университети ўртасидаги узвий ҳамкорлик доирасида амалга оширилаётган навбатдаги илмий-амалий лойиҳа бўлиб, ёш тадқиқотчиларнинг халқаро академик майдонда фаол иштирокини таъминлашга хизмат қилади. 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️“MENEJMENT VA LIDERLIK SALOHIYATI” MAVZUSIDA MAHORAT DARSI O‘TKAZILDI 📖 Bugun Respublika Bank-moliya akademiyasda “Menejment va liderlik salohiyati” mavzusida mahorat darsi tashkil etildi. Tadbir zamonaviy boshqaruv tizimida dolzarb ahamiyat kasb etadigan bilim va ko‘nikmalarni chuqurlashtirishga qaratilgan bo‘lib, tinglovchilarda katta qiziqish uyg‘otdi. ❗️Mazkur mahorat darsini “Express mail universal” MCHJ direktori Murod Jumayev olib bordi. U o‘zining boy amaliy tajribasiga tayangan holda, menejment va liderlikning zamonaviy yondashuvlarini ochib berdi. Dars davomida korxonani boshqarish, liderlik qobiliyati, boshqaruvda qaror qabul qilish, jamoani samarali boshqarish hamda o‘zgaruvchan bozor sharoitida tezkor, strategik fikrlash masalalari yuzasidan qimmatli ma’lumotlar taqdim etildi. 🗣Mahorat darsi jarayonida soha mutaxassislari tomonidan dolzarb keyslar muhokama qilinib, zamonaviy boshqaruv yondashuvlari hamda muvaffaqiyatli biznes tajribalari bilan o‘rtoqlashildi. Bu esa ishtirokchilar uchun nazariy bilimlarni amaliy tushunchalar bilan boyitish imkonini berdi. Dars jarayonida jamoaviy muhokamalar, savol-javoblar va tahliliy chiqishlar jarayonida tinglovchilarning mustaqil fikrlash, tezkor qaror qabul qilish, muammoga kompleks yondashish hamda o‘z nuqtayi nazarini asosli tarzda himoya qilish ko‘nikmalari yanada mustahkamlandi. Bunday amaliy mashg‘ulotlar tinglovchilarning kelgusida korporativ moliya, investitsiya faoliyati, qimmatli qog‘ozlar bozori hamda biznes boshqaruvi sohalarida uchrashi mumkin bo‘lgan murakkab vazifalarga tayyorgarligini oshirishda muhim ahamiyat kasb etadi. 📗Tadbir yakunida tinglovchilar bunday uchrashuvlar kelajakdagi kasbiy faoliyatlari uchun muhim ahamiyat kasb etishini ta’kidladilar. Mahorat darsi nafaqat bilim almashinuvi, balki kelajak liderlarini shakllantirish yo‘lida muhim qadam sifatida baholandi. ✍️“МЕНЕЖМЕНТ ВА ЛИДЕРЛИК САЛОҲИЯТИ” МАВЗУСИДА МАҲОРАТ ДАРСИ ЎТКАЗИЛДИ 📖Бугун Республика Банк-молия академиясида “Менежмент ва лидерлик салоҳияти” мавзусида маҳорат дарси ташкил этилди. Тадбир замонавий бошқарув тизимида долзарб аҳамият касб этадиган билим ва кўникмаларни чуқурлаштиришга қаратилган бўлиб, тингловчиларда катта қизиқиш уйғотди. ❗️Мазкур маҳорат дарсини “Express mail universal” МЧЖ директори Мурод Жумаев олиб борди. У ўзининг бой амалий тажрибасига таянган ҳолда, менежмент ва лидерликнинг замонавий ёндашувларини очиб берди. Дарс давомида корхонани бошқариш, лидерлик қобилияти, бошқарувда қарор қабул қилиш, жамоани самарали бошқариш ҳамда ўзгарувчан бозор шароитида тезкор, стратегик фикрлаш масалалари юзасидан қимматли маълумотлар тақдим этилди. 🗣Маҳорат дарси жараёнида соҳа мутахассислари томонидан долзарб кейслар муҳокама қилиниб, замонавий бошқарув ёндашувлари ҳамда муваффақиятли бизнес тажрибалари билан ўртоқлашилди. Бу эса иштирокчилар учун назарий билимларни амалий тушунчалар билан бойитиш имконини берди. Дарс жараёнида жамоавий муҳокамалар, савол-жавоблар ва таҳлилий чиқишлар жараёнида тингловчиларнинг мустақил фикрлаш, тезкор қарор қабул қилиш, муаммога комплекс ёндашиш ҳамда ўз нуқтаи назарини асосли тарзда ҳимоя қилиш кўникмалари янада мустаҳкамланди. Бундай амалий машғулотлар тингловчиларнинг келгусида корпоратив молия, инвестиция фаолияти, қимматли қоғозлар бозори ҳамда бизнес бошқаруви соҳаларида учраши мумкин бўлган мураккаб вазифаларга тайёргарлигини оширишда муҳим аҳамият касб этади. 📗Тадбир якунида тингловчилар бундай учрашувлар келажакдаги касбий фаолиятлари учун муҳим аҳамият касб этишини таъкидладилар. Маҳорат дарси нафақат билим алмашинуви, балки келажак лидерларини шакллантириш йўлида муҳим қадам сифатида баҳоланди. 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️Koreyalik ekspertlar ishtirokida Bank-moliya akademiyasida: moliya, energetika va FinTech integratsiyasi 🔰Respublika Bank-moliya akademiyasida tashkil etilgan o‘quv seminarida moliya sektori, energetika bozori va FinTech yo‘nalishlarining o‘zaro uyg‘unligini zamonaviy yondashuvlar asosida yoritib berilmoqda. Koreyalik ekspertlari ishtirokidagi ushbu mashg‘ulotlar global iqtisodiy transformatsiyalarni chuqur anglash hamda ularni bank amaliyotiga tatbiq etish imkonini yaratmoqda. 📚Ma’ruzalarda qayta tiklanuvchi energetika loyihalarining rivoji, yashil moliya instrumentlari va banklar uchun yangi investitsiya yo‘nalishlari tahlil qilindi. Shu bilan birga, ushbu jarayonlarda FinTech yechimlari orqali moliyalashtirish samaradorligini oshirish, risklarni boshqarish va kapitalni jalb etish mexanizmlari alohida ta’kidlandi. ❗️Bundan tashqari, sanoatni rivojlantirish, loyiha moliyalashtirish va kapital bozorlari imkoniyatlari xalqaro tajriba asosida ko‘rib chiqildi. Natijada tinglovchilar moliya, energetika va FinTech integratsiyasini kompleks tarzda o‘rganib, zamonaviy bank tizimi uchun zarur bo‘lgan strategik bilim va amaliy ko‘nikmalarni shakllantirmoqda. ✍️Кореялик экспертлар иштирокида Банк-молия академиясида: молия, энергетика ва FinTechинтеграцияси 🔰Республика Банк-молия академиясида ташкил этилган ўқув семинарида молия сектори, энергетика бозори ва FinTech йўналишларининг ўзаро уйғунлигини замонавий ёндашувлар асосида ёритиб берилмоқда. Кореялик экспертлар иштирокидаги ушбу машғулотлар глобал иқтисодий трансформацияларни чуқур англаш ҳамда уларни банк амалиётига татбиқ этиш имконини яратмоқда. 📚Маърузаларда қайта тикланувчи энергетика лойиҳаларининг ривожи, яшил молия инструментлари ва банклар учун янги инвестиция йўналишлари таҳлил қилинди. Шу билан бирга, ушбу жараёнларда FinTech ечимлари орқали молиялаштириш самарадорлигини ошириш, рискларни бошқариш ва капитални жалб этиш механизмлари алоҳида таъкидланди. ❗️Бундан ташқари, саноатни ривожлантириш, лойиҳа молиялаштириш ва капитал бозорлари имкониятлари халқаро тажриба асосида кўриб чиқилди. Натижада тингловчилар молия, энергетика ва FinTech интеграциясини комплекс тарзда ўрганиб, замонавий банк тизими учун зарур бўлган стратегик билим ва амалий кўникмаларни шакллантирмоқда. 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

📢Hurmatli Bank-moliya akademiyasi rasmiy telegram kanali obunachilari! 🗓 Bank-moliya akademiyasi magistratura mutaxassisliklari bo‘yicha qabul jarayonlari 2026-yil 20-may kuniga qadar (shu kuni ham) davom etadi. ⚠️ So‘nggi kunlarda @BFAUZ Telegram kanali chatida ayrim shaxslar tomonidan: ❌ “Imtihonga tayyorlab beramiz” ❌ “Test savollarini oldindan beramiz” ❌ “O‘qishga kiritib qo‘yamiz” kabi asossiz va noqonuniy takliflar berilayotganiga guvoh bo‘lmoqdamiz. 🚫 Hurmatli talabgorlar! Bunday yolg‘on va’dalarga ishonmang va aldanmang! Bu kabi takliflar — firibgarlik hisoblanadi. 📚 Test sinovlariga: 🌐https://admission.bfa.uz/page/fan-dasturlari linkda joylashtirilgan fan dasturlari asosida tayyorlanishingiz tavsiya etiladi. 📞 Rasmiy va ishonchli ma’lumotlar uchun: ☎️ +99855-515-54-23 telefon raqami orqali yoki guruhdagi mas’ul xodim @progress_afi ga murojaat qiling. ❗️Eslatma: 🔒 Bank-moliya akademiyasi tomonidan talabgorlarni o‘qishga kiritish maqsadida hech qanday yopiq Telegram guruhlari mavjud emas. ‼️ Agar sizga shunday takliflar bilan murojaat qilinsa — bu firibgarlar ekanini unutmang. RespublikaBank-moliya akademiyasi Qabul komissiyasi 👉Xabarni tarqating! ***** 📢 Ҳурматли Банк-молия академияси расмий телеграм канали обуначилари! 🗓 Банк-молия академияси магистратура мутахассисликлари бўйича қабул жараёнлари 2026-йил 20-май кунига қадар (шу куни ҳам) давом этади. ⚠️ Сўнгги кунларда @BFAUZ Телеграм канали чатида айрим шахслар томонидан: ❌ “Имтиҳонга тайёрлаб берамиз” ❌ “Тест саволларини олдиндан берамиз” ❌ “Ўқишга киритиб қўямиз” каби асоссиз ва ноқонуний таклифлар берилаётганига гувоҳ бўлмоқдамиз. 🚫 Ҳурматли талабгорлар! Бундай ёлғон ваъдаларга ишонманг ва алданманг! Бу каби таклифлар — фирибгарлик ҳисобланади. 📚 Тест синовларига: 🌐https://admission.bfa.uz/page/fan-dasturlari линкда жойлаштирилган фан дастурлари асосида тайёрланишингиз тавсия этилади. 📞 Расмий ва ишончли маълумотлар учун: ☎️ +99855-515-54-23 телефон рақами орқали ёки гуруҳдаги масъул ходим @progress_afi га мурожаат қилинг. ❗️ Эслатма: 🔒 Банк-молия академияси томонидан талабгорларни ўқишга киритиш мақсадида ҳеч қандай ёпиқ Телеграм гуруҳлари мавжуд эмас. ‼️ Агар сизга шундай таклифлар билан мурожаат қилинса — бу фирибгарлар эканини унутманг! Республика Банк-молия академияси Қабул комиссияси 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

#Turkiya #Туркия ✍️O‘zbekiston Bank-moliya akademiyasi tinglovchilari Turkiya Respublikasida: Islom moliyasi bo‘yicha xalqaro tajriba 🔰Jahon moliya tizimida so‘nggi yillarda islom moliyasi tobora muhim o‘rin egallab bormoqda. Ushbu yo‘nalish nafaqat moliyaviy barqarorlikni ta’minlash, balki adolatli va shaffof iqtisodiy munosabatlarni shakllantirishda ham muhim ahamiyat kasb etmoqda. Shu nuqtayi nazardan, Turkiya Respublikasi Markazi banki hamda O‘zbekiston Bank-moliya akademiyasi hamkorligida tashkil etilgan “Islom moliyasi bo‘yicha o‘quv dasturi” alohida e’tiborga loyiq. 📚Mazkur ikki kunlik o‘quv dasturi islom iqtisodiyoti va moliyasining asosiy tamoyillarini o‘rganish, xalqaro tajribani tahlil qilish hamda sohadagi zamonaviy tendensiyalar bilan tanishishga qaratildi. O‘quv dasturining birinchi kunida ishtirokchilarga islom iqtisodiyoti va moliyasining fundamental asoslari haqida batafsil ma’lumot berildi. Xususan, foizsiz moliyalashtirish, risklarni adolatli taqsimlash va aktivlarga bog‘langan operatsiyalar kabi tamoyillar muhokama qilindi. Shuningdek, islom moliyaviy instrumentlari — muzoraba va mushoraka kabi moliyalashtirish shakllari va ularning amaliy qo‘llanilishiga alohida e’tibor qaratildi. Bu esa ishtirokchilarga nazariy bilimlarni real iqtisodiy jarayonlar bilan bog‘lash imkonini berdi. 📗 O‘quv amaliy mashg‘ulotlar davomida islom banklari faoliyatining tashkiliy tuzilmasi va boshqaruvi masalalari ko‘rib chiqildi. Bu jarayonda shariat kengashlari roli, korporativ boshqaruv standartlari va shaffoflik prinsiplari muhokama qilindi. Ayniqsa, Turkiya tajribasi misolida islom moliyasini tartibga solish mexanizmlari ishtirokchilarda katta qiziqish uyg‘otdi. Turkiyada ishtirokchi moliya (participation finance) tizimi qanday rivojlangani, davlat tomonidan qanday qo‘llab-quvvatlanayotgani haqida amaliy misollar keltirildi. ✍️Ўзбекистон Банк-молия академияси тингловчилари Туркия Республикасида: Ислом молияси бўйича халқаро тажриба 🔰Жаҳон молия тизимида сўнгги йилларда ислом молияси тобора муҳим ўрин эгаллаб бормоқда. Ушбу йўналиш нафақат молиявий барқарорликни таъминлаш, балки адолатли ва шаффоф иқтисодий муносабатларни шакллантиришда ҳам муҳим аҳамият касб этмоқда. Шу нуқтаи назардан, Туркия Республикаси Марказий банки ҳамда Ўзбекистон Банк-молия академияси ҳамкорлигида ташкил этилган “Ислом молияси бўйича ўқув дастури” алоҳида эътиборга лойиқ. 📚Мазкур икки кунлик ўқув дастури ислом иқтисодиёти ва молиясининг асосий тамойилларини ўрганиш, халқаро тажрибани таҳлил қилиш ҳамда соҳадаги замонавий тенденциялар билан танишишга қаратилди. Ўқув дастурининг биринчи кунида иштирокчиларга ислом иқтисодиёти ва молиясининг фундаментал асослари ҳақида батафсил маълумот берилди. Хусусан, фоизсиз молиялаштириш, рискларни адолатли тақсимлаш ва активларга боғланган операциялар каби тамойиллар муҳокама қилинди. Шунингдек, ислом молиявий инструментлари — музораба ва мушорака каби молиялаштириш шакллари ва уларнинг амалий қўлланилишига алоҳида эътибор қаратилди. Бу эса иштирокчиларга назарий билимларни реал иқтисодий жараёнлар билан боғлаш имконини берди. 📗Ўқув амалий машғулотлар давомида ислом банклари фаолиятининг ташкилий тузилмаси ва бошқаруви масалалари кўриб чиқилди. Бу жараёнда шариат кенгашлари роли, корпоратив бошқарув стандартлари ва шаффофлик принциплари муҳокама қилинди. Айниқса, Туркия тажрибаси мисолида ислом молиясини тартибга солиш механизмлари иштирокчиларда катта қизиқиш уйғотди. Туркияда иштирокчи молия (participation finance) тизими қандай ривожлангани, давлат томонидан қандай қўллаб-қувватланаётгани ҳақида амалий мисоллар келтирилди. 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in

O‘zbekiston Respublikasi Prezidenti Shavkat Mirziyoyevning Osiyo taraqqiyot banki Boshqaruvchilar kengashining yillik yig‘ilishidagi nutqi — Выступление Президента Республики Узбекистан Шавката Мирзиёева на ежегодном заседании Совета управляющих Азиатского банка развития — Address by the President of the Republic Uzbekistan Shavkat Mirziyoyev at the 59th Annual Meeting of the Board of Governors of the Asian Development Bank Prezident.uz|Facebook|Instagram|YouTube|X

📢 E’LON O‘zbekiston Respublikasi Bank-moliya akademiyasi “Investitsiyalar va kapital bozori” kafedrasining yillik rejasiga muvofiq, 2026-yil 5-may kuni 12:00 da “Menejment va liderlik salohiyati” mavzusida mahorat darsi tashkil etiladi. Unda mashg‘ulotlarni "Express mail universal" MCHJ direktori Jumayev Murod Gʻofurovich olib boradi. 👥 Ushbu mahorat darsi quyidagi yo‘nalishlar tinglovchilari uchun mo‘ljallangan: ▫️ “Koоrporativ moliya va qimmatli qog‘ozlar bozori” ▫️ “Biznesni boshqarish (MBA-General, FinTech, Banking)” 🎯Tadbirning asosiy maqsadi: ▪️ zamonaviy menejment va liderlik ko‘nikmalarini shakllantirish ; ▪️ real biznes jarayonlari asosida amaliy bilimlarni mustahkamlash; ▪️ tinglovchilarning strategik fikrlash va qaror qabul qilish salohiyatini oshirish; ▪️ Akademiya va korporativ sektor o‘rtasidagi samarali hamkorlikni kengaytirish. 🗣 Mahorat darsida soha mutaxassislari tomonidan dolzarb keyslar, zamonaviy boshqaruv yondashuvlari hamda muvaffaqiyatli tajribalar bilan o‘rtoqlashiladi. ✨ Kelajak lideri bo‘lish sari yana bir muhim qadamni biz bilan qo‘ying! Barcha tinglovchilarni faol ishtirok etishga taklif etamiz! * 📢 ЭЪЛОН Ўзбекистон Республикаси Банк-молия академияси “Инвестициялар ва капитал бозори” кафедрасининг йиллик режасига мувофиқ, 2026-йил 5-май куни,12:00 да “Менежмент ва лидерлик салоҳияти” мавзусида маҳорат дарси ташкил этилади. Унда машғулотларни "Express mail universal" МЧЖ директори Жумаев Мурод Ғофурович олиб боради. 👥 Ушбу маҳорат дарси қуйидаги йўналишлар тингловчилари учун мўлжалланган: ▫️ “Коорпоратив молия ва қимматли қоғозлар бозори” ▫️ “Бизнесни бошқариш" (МБА-Генерал, ФинТеч, Банкинг) 🎯 Тадбирнинг асосий мақсади: ▪️ замонавий менежмент ва лидерлик кўникмаларини шакллантириш ▪️ реал бизнес жараёнлари асосида амалий билимларни мустаҳкамлаш ▪️ тингловчиларнинг стратегик фикрлаш ва қарор қабул қилиш салоҳиятини ошириш ▪️ Академия ва корпоратив сектор ўртасидаги самарали ҳамкорликни кенгайтириш. 🗣 Маҳорат дарсида соҳа мутахассислари томонидан долзарб кейслар, замонавий бошқарув ёндашувлари ҳамда муваффақиятли тажрибалар билан ўртоқлашилади. ✨ Келажак лидери бўлиш сари яна бир муҳим қадамни биз билан қўйинг! Барча тингловчиларни фаол иштирок этишга таклиф этамиз! 👉Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in