Post #3474

✍️O‘zbekistonda “yashil” davlat xaridlari istiqbollari Bank-moliya akademiyasida “yashil iqtisodiyot” tamoyillari asosida davlat xaridlarini takomillashtirishga bag‘ishlangan mahorat darsi yuqori saviyada o‘tkazildi. Tadbirda sohaning yetakchi mutaxassislari, amaliyotchilar va ilmiy doira vakillari ishtirok etib, O‘zbekistonda yashil davlat xaridlarini joriy etishning dolzarb jihatlari, imkoniyatlari va ustuvor yo‘nalishlari yuzasidan mazmunli fikr almashdilar. Mahorat darsida davlat xaridlari tizimini modernizatsiya qilish, ekologik barqarorlikni ta’minlash hamda “yashil iqtisodiyot”ga o‘tishni jadallashtirishga qaratilgan ilmiy-amaliy yondashuvlar muhokama qilindi. Toshkent shahar G‘aznachilik xizmati boshqarmasining “Yuridik majburiyatlarni ro‘yxatga olish bo‘limi” boshlig‘i Oybek Fayzimatov davlat xaridlarida huquqiy majburiyatlarni ro‘yxatga olish mexanizmlari, shaffoflik va hisobdorlikni ta’minlash masalalariga to‘xtalib, yashil xaridlar budjet mablag‘laridan samarali foydalanishning muhim instrumenti ekanini ta’kidladi. Shuningdek, Iqtisodiyot va moliya vazirligi huzuridagi O‘quv markazi katta o‘qituvchilari Sanjar Boltayev va Bahodir Muhammad tomonidan xalqaro tajriba asosida ekologik standartlarni tender jarayonlariga integratsiya qilish, barqaror rivojlanishni davlat xaridlari orqali qo‘llab-quvvatlash masalalari yoritildi. Mutaxassislar fikricha, yashil davlat xaridlari atrof-muhitga ta’sirni kamaytirish, milliy ishlab chiqaruvchilarni ekologik texnologiyalarga o‘tishga rag‘batlantirish va davlat xarajatlari samaradorligini oshirishga xizmat qiladi. Tadbir davomida amaliy keyslar muhokama qilinib, normativ-huquqiy bazani takomillashtirish, kadrlar salohiyatini oshirish va axborot tizimlarini modernizatsiya qilish bo‘yicha takliflar ishlab chiqildi. Yakunda bildirilgan fikr va tavsiyalar sohani yanada takomillashtirish hamda “yashil iqtisodiyot” tamoyillarini keng joriy etishga xizmat qilishi qayd etildi. ✍️Ўзбекистонда “яшил” давлат харидлари истиқболлари Банк-молия академиясида “яшил иқтисодиёт” тамойиллари асосида давлат харидларини такомиллаштиришга бағишланган маҳорат дарси юқори савияда ўтказилди. Тадбирда соҳанинг етакчи мутахассислари, амалиётчилар ва илмий доира вакиллари иштирок этиб, Ўзбекистонда яшил давлат харидларини жорий этишнинг долзарб жиҳатлари, имкониятлари ва устувор йўналишлари юзасидан мазмунли фикр алмашдилар. Маҳорат дарсида давлат харидлари тизимини модернизация қилиш, экологик барқарорликни таъминлаш ҳамда “яшил иқтисодиёт”га ўтишни жадаллаштиришга қаратилган илмий-амалий ёндашувлар муҳокама қилинди. Тошкент шаҳар Ғазначилик хизмати бошқармасининг “Юридик мажбуриятларни рўйхатга олиш бўлими” бошлиғи Ойбек Файзиматов давлат харидларида ҳуқуқий мажбуриятларни рўйхатга олиш механизмлари, шаффофлик ва ҳисобдорликни таъминлаш масалаларига тўхталиб, яшил харидлар бюджет маблағларидан самарали фойдаланишнинг муҳим инструменти эканини таъкидлади. Шунингдек, Иқтисодиёт ва молия вазирлиги ҳузуридаги Ўқув маркази катта ўқитувчилари Санжар Болтаев ва Баҳодир Муҳаммад томонидан халқаро тажриба асосида экологик стандартларни тендер жараёнларига интеграция қилиш, барқарор ривожланишни давлат харидлари орқали қўллаб-қувватлаш масалалари ёритилди. Мутахассислар фикрича, яшил давлат харидлари атроф-муҳитга таъсирни камайтириш, миллий ишлаб чиқарувчиларни экологик технологияларга ўтишга рағбатлантириш ва давлат харажатлари самарадорлигини оширишга хизмат қилади. Тадбир давомида амалий кейслар муҳокама қилиниб, норматив-ҳуқуқий базани такомиллаштириш, кадрлар салоҳиятини ошириш ва ахборот тизимларини модернизация қилиш бўйича таклифлар ишлаб чиқилди. Якунда билдирилган фикр ва тавсиялар соҳани янада такомиллаштириш ҳамда “яшил иқтисодиёт” тамойилларини кенг жорий этишга хизмат қилиши қайд этилди. 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in