Post #3484

✍️ Amir Temur merosi – davlatchilik va strategiya maktabi O‘zbekiston Respublikasi Bank-moliya akademiyasida Amir Temur tavalludining 690-yilligi munosabati bilan “Amir Temur – buyuk davlat arbobi va sarkarda” mavzusida ma’naviy-ma’rifiy tadbir tashkil etildi. Tadbirda Akademiya rahbariyati, professor-o‘qituvchilar, ilmiy xodimlar va tinglovchilar ishtirok etdi. Anjuman davomida so‘zga chiqqanlar buyuk sarkardaning davlatchilik asoslarini mustahkamlash, adolatli boshqaruv tizimini shakllantirish va kuchli markazlashgan davlat barpo etishdagi o‘rnini alohida ta’kidladilar. Qayd etilganidek, Amir Temur nafaqat yirik harbiy strateg, balki o‘z davrida samarali davlat boshqaruvi, iqtisodiy barqarorlik va hududlar o‘rtasidagi savdo-iqtisodiy aloqalarni rivojlantirishga xizmat qilgan islohotlar muallifi sifatida ham tarixda chuqur iz qoldirgan. Uning “Kuch – adolatda” degan tamoyili bugungi kunda ham davlat boshqaruvi va jamiyat taraqqiyotida muhim ahamiyat kasb etmoqda. Tadbir doirasida Temuriylar davridagi iqtisodiy siyosat, moliyaviy tizim, soliqlar va savdo yo‘llarining rivojlanishiga bag‘ishlangan ma’ruzalar tinglandi. Shuningdek, ishtirokchilarga “Temur tuzuklari” asarida bayon etilgan davlat boshqaruvi tamoyillari haqida batafsil ma’lumot berildi. ✍️Амир Темур мероси – давлатчилик ва стратегия мактаби Ўзбекистон Республикаси Банк-молия академиясида Амир Темур таваллудининг 690 йиллиги муносабати билан “Амир Темур – буюк давлат арбоби ва саркарда” мавзусида маънавий-маърифий тадбир ташкил этилди. Тадбирда Академия раҳбарияти, профессор-ўқитувчилар, илмий ходимлар ва тингловчилар иштирок этди. Анжуман давомида сўзга чиққанлар буюк саркарданинг давлатчилик асосларини мустаҳкамлаш, адолатли бошқарув тизимини шакллантириш ва кучли марказлашган давлат барпо этишдаги ўрнини алоҳида таъкидладилар. Қайд этилганидек, Амир Темур нафақат йирик ҳарбий стратег, балки ўз даврида самарали давлат бошқаруви, иқтисодий барқарорлик ва ҳудудлар ўртасидаги савдо-иқтисодий алоқаларни ривожлантиришга хизмат қилган ислоҳотлар муаллифи сифатида ҳам тарихда чуқур из қолдирган. Унинг “Куч – адолатда” деган тамойили бугунги кунда ҳам давлат бошқаруви ва жамият тараққиётида муҳим аҳамият касб этмоқда. Тадбир доирасида Темурийлар давридаги иқтисодий сиёсат, молиявий тизим, солиқлар ва савдо йўлларининг ривожланишига бағишланган маърузалар тингланди. Шунингдек, иштирокчиларга “Темур тузуклари” асарида баён этилган давлат бошқаруви тамойиллари ҳақида батафсил маълумот берилди. 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in