Post #3539

#BFA_BMA_30_yoshda Bank-moliya akademiyasi: shakllanish va rivojlanish tarixi 🔰 O‘zbekiston mustaqillikka erishgandan so‘ng mamlakat iqtisodiyotini barqaror rivojlantirish, bank-moliya tizimini zamonaviy talablar asosida qayta shakllantirish muhim vazifalardan biriga aylandi. Ana shu ehtiyojdan kelib chiqib, 1996 yil 2 mayda O‘zbekiston Respublikasi Prezidenti farmoniga muvofiq Bank-moliya akademiyasi tashkil etildi. Bugungi kunda ushbu muassasaning tashkil topganiga 30 yil to‘lib, u o‘z faoliyati davomida mamlakat moliya sohasi uchun yuqori malakali kadrlar tayyorlashda muhim o‘rin egallab kelmoqda. 📍 Akademiyaning asosiy vazifasi bank ishi, moliya va iqtisodiyot yo‘nalishlarida chuqur bilimga ega mutaxassislar tayyorlashdan iborat edi. Unda, asosan, bakalavr bosqichini tugatgan va muayyan ish tajribasiga ega bo‘lgan mutaxassislar magistratura darajasida tahsil olish imkoniyatiga ega bo‘ldilar. O‘tgan yillar davomida Bank-moliya akademiyasi minglab kadrlarni tayyorlab, ularni mamlakat iqtisodiyotining turli sohalariga yetkazib berdi. 🔷 Yangi O‘zbekiston sharoitida amalga oshirilayotgan keng ko‘lamli islohotlar doirasida, Prezidentimiz Shavkat Mirziyoyev tomonidan ta’lim tizimini modernizatsiya qilish, xususan, bank-moliya sohasi uchun raqobatbardosh kadrlar tayyorlashga alohida e’tibor qaratilmoqda. Bu islohotlar Bank-moliya akademiyasi faoliyatida ham o‘z ifodasini topib, uning mazmun-mohiyatini yangi bosqichga olib chiqmoqda. So‘nggi yillarda akademiya faoliyati yangi bosqichga ko‘tarildi. Xususan, 2019 yilda u O‘zbekiston Milliy banki tasarrufiga o‘tkazilib, ta’lim va ilmiy faoliyatni yanada takomillashtirish uchun yangi imkoniyatlar yaratildi. ✅ Bugungi kunda Bank-moliya akademiyasi nafaqat ta’lim muassasasi, balki bank va moliya sohasida ilmiy-tadqiqotlar olib boruvchi, mutaxassislarni qayta tayyorlash va malakasini oshirish markazi sifatida ham faoliyat ko‘rsatmoqda. Akademiyada investisiya, zamonaviy bank texnologiyalari kabi yo‘nalishlarda ham kadrlar tayyorlanmoqda. Банк-молия академияси: шаклланиш ва ривожланиш тарихи 🔰 Ўзбекистон мустақилликка эришгандан сўнг мамлакат иқтисодиётини барқарор ривожлантириш, банк-молия тизимини замонавий талаблар асосида қайта шакллантириш муҳим вазифалардан бирига айланди. Ана шу эҳтиёждан келиб чиқиб, 1996 йил 2 майда Ўзбекистон Республикаси Президенти фармонига мувофиқ Банк-молия академияси ташкил этилди. Бугунги кунда ушбу муассасанинг ташкил топганига 30 йил тўлиб, у ўз фаолияти давомида мамлакат молия соҳаси учун юқори малакали кадрлар тайёрлашда муҳим ўрин эгаллаб келмоқда. 📍 Академиянинг асосий вазифаси банк иши, молия ва иқтисодиёт йўналишларида чуқур билимга эга мутахассислар тайёрлашдан иборат эди. Унда, асосан, бакалавр босқичини тугатган ва муайян иш тажрибасига эга бўлган мутахассислар магистратура даражасида таҳсил олиш имкониятига эга бўлдилар. Ўтган йиллар давомида Банк-молия академияси минглаб кадрларни тайёрлаб, уларни мамлакат иқтисодиётининг турли соҳаларига етказиб берди. 🔷 Янги Ўзбекистон шароитида амалга оширилаётган кенг кўламли ислоҳотлар доирасида, Президентимиз Шавкат Мирзиёев томонидан таълим тизимини модернизация қилиш, хусусан, банк-молия соҳаси учун рақобатбардош кадрлар тайёрлашга алоҳида эътибор қаратилмоқда. Бу ислоҳотлар Банк-молия академияси фаолиятида ҳам ўз ифодасини топиб, унинг мазмун-моҳиятини янги босқичга олиб чиқмоқда. Сўнгги йилларда академия фаолияти янги босқичга кўтарилди. Хусусан, 2019 йилда у Ўзбекистон Миллий банки тасарруфига ўтказилиб, таълим ва илмий фаолиятни янада такомиллаштириш учун янги имкониятлар яратилди. ✅ Бугунги кунда Банк-молия академияси нафақат таълим муассасаси, балки банк ва молия соҳасида илмий-тадқиқотлар олиб борувчи, мутахассисларни қайта тайёрлаш ва малакасини ошириш маркази сифатида ҳам фаолият кўрсатмоқда. Академияда инвестиция, замонавий банк технологиялари каби йўналишларда ҳам кадрлар тайёрланмоқда. 📢 Хабарни тарқатинг! 🌐www.bfa.uz | 🕊Telegram | 📱Facebook | 📱Instagram | 📺Youtube | Linked in