@uzdeutschland · Post #254 · 03.01.2024 г., 11:58
#Anerkennung. Assalomu alaykum hurmatli kanal obunachilari. Germaniyaga kelishni reja qilib yurgan yurtdoshlarimiz "Anerkennung" degan so'zni ko'p eshitishgan bo'lsa kerak. "Germaniyada ishlash uchun yoki Ausbildung qilish uchun diplomni Anerkennung qildirish kerak" deb ko'p aytishadi. Anerkennung haqidagi savollarga turlicha javob beriladi. Bugun sizlarga Anerkennung haqida ma'lumot berishni niyat qildim, ushbu postni o'qigandan keyin sizda Anerkennung haqida yetarlicha ma'lumot bo'ladi degan umiddaman. Anerkennung o'zbek tiliga "tan olish" deb tarjima qilinadi. Ya'ni Germaniyada ishlash yoki Ausbildung qilish uchun, sizning maktab/kollej/litsey/universitetda olgan diplomlaringiz Germaniyada tan olinishi kerak. Aniqroq aytadigan bo'lsak, sizning diplomingiz Germaniyada olinadigan diplom bilan bir xil kuchga ega ekanligini tan olinishi Anerkennung deyiladi. Misol uchun, agar sizning O'zbekistonda tibbiyot oliygohida olgan diplomingiz anerkannt (o'zbek tilida : tan olingan) bo'lsa, bu sizning ushbu diplomingiz Germaniyada tibbiyotni bitirgandan keyin olinadigan diplomga teng ekanligini bildiradi. (KP imtihonidan keyin, diplom anerkannt hisoblanadi). Anerkennung haqida ma'lumot berishdan oldin, Germaniyadagi maktab tizimi va kasbiy ta'lim haqida biroz tushuncha berib o'tish maqsadga muvofiq deb o'ylayman. O'zbekistonda hamma viloyatda 11 yil maktab tizimida o'qiladi va undan so'ng maktab shahodatnomasi olinadi. Ushbu shahodatnoma butun O'zbekiston bo'ylab bir xil kuchga ega. Ya'ni siz Andijonda maktabni tamomlaganmisiz yoki Qoraqalpog'istondami, keyinchalik universitetda yoki texnikumda o'qishingiz uchun hech qanday ahamiyatga ega emas. Germaniyada esa tizim boshqacharoq. Eng avvalo, ta'lim tizimi qanday bo'lishini viloyatlarning o'zi hal qiladi. Ya'ni butun Germaniya bo'yicha bir xil tizim mavjud emas. Shuning uchun, Bayerndagi maktab bitiruvchilari NRWdagi bitiruvchilardan ko'p narsani bilishligi odatiy hol. Ya'ni Bayernda ta'lim nisbatan qiyinroq, shuning evaziga bilimli o'quvchilar ham nisbatan ko'proq. Undan tashqari, maktabni tamomlagandan keyin olinadigan diplom (Abschluss) ham turlicha nomlanadi. Misol uchun, siz maktabni 10-sinfini tamomlaganingizdan so'ng NRW da Mittlerer Schulabschluss, Sachsenda Realschulabschluss, Brandenburgda Fachoberschulreife, Saarlandda Mittlerer Bildungsabschlussni qo'lga kiritasiz. Garchi bularning nomi turlicha bo'lsa ham, hammasi bir xil kuchga ega. Shuning uchun, quyida hammasini bitta qilib Realabschluss deb yozaman. Endi siz, 9-sinfdan keyin maktabda o'qishni davom ettirmasangiz, 9 yil o'qiganingiz uchun sizga Hauptabschluss beriladi. Ba'zi Bundeslandda nomi boshqacha bo'lishi mumkin, lekin 9 yil o'qiganingizdan so'ng olgan bo'lsangiz, daraja bir xil bo'ladi. (Maktab tizimini juda sodda tushuntirib berishga harakat qildim, aslida yanada ko'proq farqlarini aytib o'tish ham mumkin. Lekin bizga hozircha shu ma'lumotlar yetadi.) Anerkennung haqidagi postga bu ma'lumotlarni nima keragi bor deb o'ylashga shoshilmang. Quyida Anerkennung ning turlari haqida aytib o'taman, shunda yuqoridagi ma'lumotlar as qotadi. O'zbekistonda olingan diplomlarni Anerkennung qilish quyidagi holatlarda kerak bo'ladi:
Hashtags