@handicraftman · Post #55309 · 17.03.2026 г., 04:26
#“BUXORO ZARDO‘ZLIGI” | 6-material ⚡️Buxoroda zardo‘zlar an’anaviy ravishda ikki toifaga bo‘linib faoliyat yuritgan. Bir toifa ustalar faqat amir saroyidagi maxsus ustaxonalarda xizmat qilgan bo‘lsa, ikkinchilari ota-bobolaridan meros bo‘lib kelayotgan shaxsiy ustaxonalarda ijod qilgan. 📌1785–1920 yillarda Mang‘itlar sulolasi hukmronligi davrida zardo‘zlik san’ati yuksak darajada rivojlangan. Bizgacha yetib kelgan ko‘plab noyob zardo‘zi kiyim-kechaklar aynan shu sulola vakillariga tegishlidir. 🏅Zardo‘zlik buyumlarida odatda tayyorlangan sana ko‘rsatilmagan. Ammo Amir Haydar (1800–1826) davrida tikilgan mahsi ustida 1224 hijriy (taxminan 1809–1810 yillar) sanasi qayd etilgan bo‘lib, bu juda noyob holat hisoblanadi. 📊Amir Nasrullaxon (1827–1860) davrida ham ko‘plab zardo‘zlik namunalar yaratilgan va saqlanib qolgan. Keyinchalik Amir Muzaffarxon (1860–1885) zamonida Ark qal’asi hududida yirik zardo‘zlik ustaxonasi tashkil etilgan. Bu ustaxona qushbegi nazoratida bo‘lib, eng nozik va oliy darajadagi buyumlar shu yerda tayyorlangan. 📊Amir Abdulahadxon (1885–1911) hukmronligi davrida esa ustaxonalar soni ko‘payib, yirik markazlarga aylangan. Bu davrda zardo‘zlik buyumlariga bo‘lgan talab keskin oshgan: elchilar, zodagonlar va harbiy sarkardalar uchun tayyorlanadigan sovg‘alar hamda saroy bezaklari ushbu san’atning yanada rivojlanishiga xizmat qilgan. 🌍E’tiborlisi, har bir zardo‘zlik buyumi noyob bo‘lgan va hech qachon qayta takrorlanmagan. Bu esa ustalar o‘rtasida raqobatni kuchaytirib, yanada nafis, murakkab va hashamatli asarlarning yaratilishiga sabab bo‘lgan. ✨ Shu bois, bu davrda zardo‘zlar jamiyatda katta hurmatga sazovor bo‘lib, ayrimlari hatto saroy a’yonlari safiga kiritilgan. 📌Davomi bor... ✍️ O‘zbekiston xalq ustasi Baxshillo Jumaev hamda “Hunarmand “. uyushmasi Axborot xizmati rahbari Nilufar Xotamova hamkorligida tayyorlandi. #Hunarmand#Zardozlik#Buxoro#MilliyMeros#Madaniyat ✅Faсebook|✅Instagram ✅Youtube | ✅Murojaat yo'llash