籽煤 yseedsmedia
@yseedsmedia · Post #88 · 20.07.2021 г., 09:45
野草 北角和富道21-53號和富薈商場B50號B1舖 今日介紹呢間餐廳，採用本地有機農作物製作食品，歡迎毛孩🐶🐱，以粉紅色做主調既餐廳環境，非常適合打卡。 🥯🥑蒜香芝麻貝果配牛油果 $45 有淡淡既蒜香味，貝果上嘅芝麻香加上牛油果夠creamy，係個包比較韌，呢點有待改善。 🍨蜂蜜苦瓜雪糕配苦瓜朱古力蛋糕 $82 第一啖有雪糕既香甜味，當佢喺你味蕾逗留0.5秒後，苦味先會出現，甘味最後壓軸。我覺得呢個雪糕幾值得試，話哂苦瓜味雪糕唔係周圍有得食，而且佢地採用本地農場入口嘅有機苦瓜製作而成，如果平時會食苦瓜既你，值得一試。 而個苦瓜朱古力蛋糕，有苦瓜既甘苦味，但朱古力味偏淡，如果鍾意食濃厚口感朱古力蛋糕既人，可能唔係好啱胃口。 ☕️美式咖啡 $28 香濃既咖啡味，苦中帶甘味，配甜食一流。 #黃店#野草#苦瓜雪糕#籽撐黃店#評分#探索黃店#黃色經濟圈#黃色經濟圈💛#hkfood#香港美食#香港甜品#毛孩 Follow and share us: IG: instagram.com/yseedsmedia/ Fb: fb.com/yseedsmedia Tg: t.me/yseedsmedia YouTube: youtube.com/channel/UCUzvl6OxtSHcK5fck7i8iYQ