@laziz_blogs · Post #530 · 27.02.2026 г., 14:33
Uzum Visa 1-o‘ringa chiqdi O‘zbekistonda hozir 69,2 mln dona plastik karta bor. Eng ko‘pi Xalq banki (10 mln) va Agrobank’da (6,6 mln). Bu tushunarli: ikkalasi ham nafaqat bank, balki turli vazifalar, masalan, pensiya to‘lovlari uchun davlat vositasidir. Buyog‘i ancha qiziq, chunki keyingi o‘rinlarda xususiy banklar turibdi. Bir oy avval uchinchi o‘rinni Ipoteka-bank egallab turgan bo‘lsa, endi bu o‘rinda Uzum Bank (5,6 mln karta). Qizig‘i, bundan roppa-rosa bir yil avval bu bank top-10 talikda ham yo‘q edi: atigi 1 mln kartasi bor edi. 12 oy ichida 4,5 mlnga o‘sish — bunaqasi bizda hali bo‘lmagan. Agar gap boshqa biror kompaniya haqida ketganida, bunday o‘sish shubhali tuyulardi, lekin bu yerda hammasi tushunarli va izohli — ekotizim-da. Masalan, Uzum shunday sharoit yaratdiki, Uzum Tezkor va Uzum Market’dagi xaridlarni aynan Uzum Visa orqali to‘lash eng foydali bo‘lib qoldi. U yerdagi chegirmalar shu qadar kattaki, 11.11 aksiyasi vaqtida o‘zbekistonliklar $400 mingdan ortiq mablag‘ tejashdi. Mana shunday integratsiyalar tufayli bugungi kunda Uzum ekotizimi ichidagi to‘lovlarning qariyb 50 foizi ularning o‘z fintexi orqali amalga oshirilmoqda. Mijozlarning ikkinchi toifasi ham bor — ular uchun Uzum Visa birinchi navbatda internetda xarid qilish vositasidir. Men o’zim 2024-yildan beri shunday to‘layapman: Netflix va GeForce Now’dan tortib, Bloomberg va ChatGPT’gacha. Va, albatta, kartada hozir ko‘plab amaliyotlar uchun komissiyalar past, deyarli nolga teng ekani ham katta yordam berdi. Hisobni to‘ldirasiz, pul yechasiz, konvertatsiya qilasiz — hech qanday yo‘qotishsiz. Mana shu omillarning bari jamlanib, Uzum Visa’ni quyidagi natijalarga olib keldi: ⏺ O‘sish sur’atlari bo‘yicha 1-o‘rin. ⏺ Kartalar soni bo‘yicha xususiy banklar orasida 1-o‘rin. ⏺ O‘z ekotizimi ichida to‘lov qilishning 1-raqamli usuli. Agar shunday davom etsa, kelasi yilning o‘zidayoq Uzum Bank barcha banklar orasida 1-o‘rinni egallashga intilishi mumkin. Tarixiy voqea bo‘ladi. @skartariss #uzum#banklar