@handicraftman · Post #55324 · 17.03.2026 г., 13:07
📌 Milliy ekosistema «CRAFTED IN UZBEKISTAN» loyihasi bo‘yicha suhbat ⚡️Bugun “Hunarmand”uyushmasida videoselektor tarzida suhbat bo‘lib o‘tdi. Unda uyushma raisi Rasuljon Mirzaaxmedov, uyushma bo‘lim boshligi Jamshid Tilyakov va Temur Mirzaev – Turizm laboratoriyasi markazi direktori ishtirok etdi. 📊Yig‘ilishda milliy hunarmandchilikni qo‘llab-quvvatlash va uni zamonaviy raqamli iqtisodiyotga integratsiya qilish masalalari muhokama qilindi. Xususan, Crafted.uz platformasi loyihasi bo‘yicha tafsilotli taqdimot va fikr almashuvlar bo‘lib o‘tdi. 💻Crafted.uz platformasi hunarmandlar uchun yagona milliy raqamli maydon bo‘lib, ularga o‘z mahsulotlarini to‘g‘ridan-to‘g‘ri ichki va xalqaro bozorlariga chiqarish imkoniyatini beradi. Shuningdek, platforma orqali har bir hunarmandchilik mahsuloti haqidagi ma’lumot, uning kelib chiqishi, ustasi va madaniy ahamiyatini ko‘rsatuvchi raqamli “pasport” tizimi joriy etiladi. 📊Yig‘ilish yakunida Crafted.uz platformasini bosqichma-bosqich ishga tushirish, hududlardagi hunarmandlarni tizimga keng jalb qilish va milliy mahsulotlarni xalqaro bozorlarida keng targ‘ib qilish bo‘yicha ustuvor vazifalar belgilab olindi. #CraftedInUzbekistan#Hunarmand#KreativIqtisodiyot#DigitalEconomy ✅Faсebook|✅Instagram ✅Youtube | ✅Murojaat yo'llash