@Chilonzor_tuman_hokimligi · Post #83431 · 16.04.2026 г., 11:06
#YoshlarKuni #Bandlik #MehnatYarmarkasi #UBS#Talabalar #IshOʻrni 💼 CHILONZORDA MEHNAT YARMARKASI: 900 DAN ORTIQ ISH O‘RNI VA YANGI IMKONIYATLAR! "Yoshlar kuni" munosabati bilan Chilonzor tumanida yoshlarning bandligini ta’minlash va ularni munosib ish o‘rinlari bilan qamrab olishga qaratilgan amaliy tadbirlar davom etmoqda. 📍 Tumandagi "University of Business and Science" (UBS) xususiy universiteti navbatdagi yirik mehnat yarmarkasiga mezbonlik qildi. Raqamlar va natijalar: 🔹 60 dan ziyod yirik korxona va tashkilotlar o‘z vakansiyalari bilan qatnashdi; 🔹 900 dan ortiq bo‘sh ish o‘rinlari talaba va ishsiz yoshlar e’tiboriga havola etildi; 🔹 85 nafar fuqaro va talabalar bevosita tadbirning o‘zida ish beruvchilar bilan kelishuvga erishib, ishga joylashish imkonini qo‘lga kiritdi. Yarmarka davomida yoshlar nafaqat ish o‘rinlari bilan tanishdilar, balki zamonaviy mehnat bozori talablari, rezyume tayyorlash va ish beruvchi bilan muloqot qilish bo‘yicha foydali maslahatlarga ham ega bo‘lishdi. Chilonzor tumani hokimligi yoshlarning orzu va maqsadlarini qo‘llab-quvvatlashda davom etadi! 🔵 Сhilonzor_tumani_hokimligi